पुणे हादरलं, वनराज आंदेकर खून प्रकरणातील आरोपीच्या भावाची हत्या, बस स्टॉपवर गोळीबार

हेही वाचा : Maharashtra Weather : राज्यावर दुहेरी संकट, 'या' जिल्ह्यांची लाही लाही होणार, IMD अलर्ट

खुनाचा बदला घेण्यासाठी आरोपीच्या भावाला संपवलं

मिळालेल्या प्राथमिक माहितीनुसार, बाळा मस्के हा बालाजी नगरच्या बस स्टॉपवर थांबला असताना हल्लेखोरांनी त्याच्यावर अचानक गोळीबार करण्यात आला. वनराज आंदेकर यांच्या खुनाचा बदला घेण्याच्या उद्देशानेच हा संपूर्ण कट रचून अत्यंत थंड डोक्याने अंमलात आणण्यात आल्याचे बोलले जात आहे. हल्लेखोरांनी बाळा मस्के याला पळून जाण्याची कोणतीही संधी न देता त्याला जागेवरच संपवले.

गजबजलेल्या बस स्टॉपवर रक्ताचा सडा

माजी नगरसेवक वनराज आंदेकर यांची सप्टेंबर 2024 मध्ये पुण्यात निर्घृण हत्या करण्यात आली होती, ज्या प्रकरणाचा तपास पोलीस यंत्रणेकडून अत्यंत गांभीर्याने केला जात आहे. या आंदेकर खून प्रकरणात पोलिसांनी आकाश मस्के याला मुख्य आरोपींपैकी एक म्हणून अटक केली असून तो सध्या कोठडीत आहे. मात्र, आंदेकर समर्थकांकडून किंवा संबंधित टोळीकडून या खुनाचा वचपा काढण्यासाठी आकाश मस्केच्या कुटुंबाला लक्ष्य केले गेल्याची चर्चा आहे. अखेर त्याचाच भाऊ बाळा मस्के याला गाठून हल्लेखोरांनी आंदेकर यांच्या मृत्यूचा थेट बदला घेतला असून, या कृत्यामुळे शहरातील गँगवॉर पुन्हा एकदा समोर आले आहे.