'आम्ही ग्यानेश कुमारांना सवाल विचारतोय, भाजप का उत्तर देतोय?', शिवसेना नेत्याचा BJP ला बोचरा सवाल
निवडणूक आयुक्त ज्ञानेश कुमार यांच्या विरोधातील मोर्चावरून शिवसेना UBT नेते अनिल परब यांनी भाजपवर जोरदार निशाणा साधला आहे. मताची चोरी करण्याचा अधिकार कोणालाही नसल्याचे सांगत त्यांनी भाजप ज्ञानेश कुमारांना का वाचवत आहे, असा सवाल उपस्थित केला आहे.
ADVERTISEMENT
मुंबई: मुख्य निवडणूक आयुक्त ज्ञानेश कुमार यांच्या विरोधात आज (4 ऑक्टोबर) मुंबईत मोर्चा काढण्यात येत असून, या मोर्चाच्या पार्श्वभूमीवर महाराष्ट्रातील राजकीय वातावरण चांगलंच तापलं आहे. शिवसेना UBT, मनसेसह विविध विरोधी पक्ष आणि नागरिकांना या मोर्चात सहभागी होण्याचं आवाहन करण्यात आलं आहे. याच मुद्द्यावरून शिवसेना UBTचे नेते आणि आमदार अनिल परब यांनी भाजपवर जोरदार हल्लाबोल केला आहे.
'आमच्या मताची चोरी करण्याचा अधिकार कोणाला नाही,' असं म्हणत परब यांनी हा केवळ महाराष्ट्राचा नव्हे, तर देशातील प्रत्येक नागरिकाच्या मतदानाच्या अधिकाराचा प्रश्न असल्याचं म्हटलं आहे. तसेच, 'प्रश्न आम्ही ज्ञानेश कुमारांना विचारतोय, मग भाजपवाले उत्तर का देत आहेत?' असा सवाल करत त्यांनी ज्ञानेश कुमार यांना भाजप का वाचवत आहे, असा थेट प्रश्न उपस्थित केला आहे.
'हा केवळ महाराष्ट्राचा नाही, प्रत्येक नागरिकाच्या हक्काचा प्रश्न'
अनिल परब यांनी सांगितले की, हा मोर्चा केवळ निवडणूक आयुक्त ज्ञानेश कुमार यांच्या विरोधातील नाही, तर देशातील प्रत्येक नागरिकाच्या मतदानाच्या अधिकाराबाबत जनजागृती करण्यासाठी आहे. 'आमच्या मताची चोरी करण्याचा अधिकार कोणाला नाही,' असा स्पष्ट इशारा त्यांनी दिला.
हे ही वाचा>> ग्यानेश कुमार यांच्या राजीनाम्यासाठी आज ठाकरे बंधूंचा एल्गार! राज-उद्धव ठाकरे एकत्र, मुंबईत महामोर्चा
या मोर्चात केवळ शिवसेना UBT, मनसे, काँग्रेस, राष्ट्रवादी काँग्रेस आणि इतर विरोधी पक्ष सहभागी होणार नसून सामान्य नागरिकांनीही मोठ्या संख्येने सहभागी व्हावे, असे आवाहन केल्याचे परब यांनी सांगितले.