पुण्यात खळबळ : वकिलाच्या पत्नीने केबीनमध्येच केली सेक्रेटरी महिलेची हत्या; अनैतिक संबंध अन् रक्ताचा सडा
Pune Crime News : पुण्यात वकिलाच्या पत्नीने पतीच्या कार्यालयातील महिला कर्मचाऱ्याची अनैतिक संबंधांच्या संशयातून निर्घृण हत्या करून मृतदेह गोणीत लपवल्याचा धक्कादायक प्रकार उघडकीस आला आहे. पोलिसांनी याप्रकरणी आरोपी महिलेला ताब्यात घेतले असून हत्येसाठी वापरलेली वस्तू जप्त करण्याची प्रक्रिया सुरू आहे.
ADVERTISEMENT
बातम्या हायलाइट
पुण्यात खळबळ : वकिलाच्या पत्नीने केबीनमध्येच केली सेक्रेटरी महिलेची हत्या
अनैतिक संबंध अन् रक्ताचा सडा
Pune Crime News : पुणे शहरात हत्येची एक अत्यंत सनसनाटी घटना उघडकीस आली असून, यामध्ये एका प्रसिद्ध वकिलाच्या पत्नीने आपल्या पतीच्या कार्यालयात काम करणाऱ्या महिला कर्मचाऱ्याची निर्घृण हत्या केली आहे. या घटनेमुळे संपूर्ण परिसरात मोठी खळबळ उडाली असून हत्येमागे अनैतिक संबंधांचा संशय असल्याचे प्राथमिक तपासात समोर आले आहे. मृत महिलेची ओळख 35 वर्षीय पूनम दिनेश मुन अशी पटली असून, याप्रकरणी पोलिसांनी 42 वर्षीय स्वाती संजय सावंत या आरोपी महिलेला ताब्यात घेतले आहे. पूनम या संजय सावंत यांच्या कायदेशीर कार्यालयात काम करत होत्या. स्वाती सावंत यांना आपल्या पतीचे पूनम यांच्यासोबत कथित प्रेमसंबंध असल्याचा संशय होता आणि याच रागातून त्यांनी हे टोकाचे पाऊल उचलल्याचे पोलीस तपासात दिसून येत आहे.
हेही वाचा : मोठी बातमी! अशोक खरातचे निकटवर्तीय जितेंद्र शेळकेंचं निधन, समृद्धी महामार्गावर कारचा भीषण अपघात
वकिलाच्या कार्यालयात रक्ताच्या थारोळ्यात आढळला महिला कर्मचाऱ्याचा मृतदेह
या थरारक घटनेचा उलगडा पूनम यांच्या पतीने दिलेल्या तक्रारीनंतर झाला. पूनम या रात्री उशिरापर्यंत घरी न परतल्याने त्यांच्या पतीने चंदननगर पोलीस ठाण्यात त्या बेपत्ता असल्याची तक्रार नोंदवली होती. सर्वत्र शोध घेऊनही काहीच माहिती न मिळाल्याने ते अखेर पूनम ज्या ठिकाणी काम करत होत्या, त्या कार्यालयात पोहोचले. तिथे कार्यालयाचा दरवाजा उघडा असल्याचे पाहून त्यांना शंका आली. जेव्हा त्यांनी आत प्रवेश केला, तेव्हा त्यांना पूनम या रक्ताच्या थारोळ्यात जमिनीवर पडलेल्या दिसल्या. आरोपीने हत्येनंतर पुरावा नष्ट करण्यासाठी आणि मृतदेहाची विल्हेवाट लावण्यासाठी तो एका गोणीत भरून लपवण्याचा प्रयत्न केला होता. हा भयावह दृश्य पाहून त्यांनी तातडीने पोलिसांना पाचारण केले, त्यानंतर पोलिसांनी घटनास्थळी धाव घेत पंचनामा केला आणि मृतदेह ताब्यात घेतला.
हेही वाचा : प्रेम प्रकरणातून मामाच्या मुलाने आत्याच्या मुलीचा केला खून, नंतर स्वत: रेल्वेखाली उडी मारत संपवलं जीवन
