आळंदी : महिलेच्या घरात घुसून सामुहिक अत्याचार, श्याम महाराजावर गंभीर आरोप
Pune Crime : पिंपरी-चिंचवडमध्ये श्याम महाराज राठोड यांच्यासह सात जणांवर सामूहिक लैंगिक अत्याचार केल्याच गुन्हा दाखल झाला असून या प्रकरणावरून राजकीय वादंग निर्माण झालंय.
ADVERTISEMENT
बातम्या हायलाइट
आळंदी : महिलेच्या घरात घुसून सामुहिक अत्याचार
श्याम महाराजावर गंभीर आरोप
Pune Crime News : पिंपरी-चिंचवडमधील दिघी पोलीस ठाण्याच्या हद्दीत एका महिलेवर सामूहिक अत्याचार करण्यात आल्याची अत्यंत गंभीर घटना उघडकीस आली आहे. सात जणांनी 7 एप्रिल 2026 रोजी संगनमताने पीडितेच्या घरात घुसून तिच्या गळ्यातील मंगळसूत्र हिसकावून घेतले आणि तिच्यावर बळजबरीने अत्याचार केला. इतकेच नव्हे तर, पीडितेचे घर त्यांच्या नावावर करण्यासाठी आरोपींनी सतत दबाव टाकला असून, घर विकून पैसे न दिल्यास सतत त्रास देण्याची धमकीही दिल्याचे फिर्यादीत म्हटले आहे. या धक्कादायक प्रकारामुळे परिसरात मोठी खळबळ उडाली आहे.
हेही वाचा : पायाचा अंगठा निळा पडला, अखिलेश यादवांच्या भावाच्या पोस्टमॉर्टेम रिपोर्टमधून धक्कादायक खुलासे!
पीडित महिलेने 24 एप्रिल 2026 रोजी दिलेल्या फिर्यादीनुसार, श्याम महाराज राठोड यांच्यासह अभिमन्यू आंधळे, नारायण खंदारे, राहुल सुरेश चोरडीया, कानीफनाथ घुले, युवराज खरमाटे आणि एका महिलेविरोधात गुन्हा दाखल करण्यात आला आहे. या प्रकरणातील फिर्यादीत पीडित महिलेने आरोपींवर अत्यंत संतापजनक आणि अमानवीय आरोप केले आहेत. आरोपींनी केवळ 7 एप्रिल रोजीच नव्हे, तर गेल्या चार ते पाच महिन्यांपूर्वी देखील पीडितेच्या घरी जाऊन तिच्यावर अत्याचार केला होता. या छळवणुकीचा कळस म्हणजे, आरोपींपैकी एकाने पीडितेने बनवलेल्या भाताच्या पातेल्यात लघुशंका केल्याचा गंभीर आरोप महिलेने केला आहे. घटनेच्या काही काळानंतर आरोपी पुन्हा पीडितेच्या घरी गेले होते, मात्र तिने दरवाजा न उघडल्याने त्यांनी घराबाहेर उभे राहून तिला शिवीगाळ केली. तसेच पीडितेचे चारित्र्यहनन करण्याच्या उद्देशाने तिची सोशल मीडियावर बदनामी करण्याची धमकीही देण्यात आली. सध्या दिघी पोलीस या सर्व आरोपांची गांभीर्याने दखल घेत असून प्रकरणाचा सखोल तपास करत आहेत.
हेही वाचा : सूनेला तोकड्या कपड्यात रील बनवण्याचं वेड, सासू-सासऱ्यांचं भयंकर पाऊल
