Pune DJ Protest | बालगंधर्व चौकात पुणेकर DJ विरोधात रस्त्यावर..
Pune Protest against DJ : पुण्यात DJ आणि लाऊडस्पीकरच्या कर्णकर्कश आवाजाविरोधात नागरिकांचा मोठा मोर्चा निघाला. DJमुक्त गणेशोत्सव आणि नागरिकांना होणारा त्रास थांबवण्याची आंदोलकांची मागणी आहे.
ADVERTISEMENT
बातम्या हायलाइट
Pune DJ Protest | बालगंधर्व चौकात पुणेकर DJ विरोधात रस्त्यावर..
लाऊडस्पीकरच्या अतिवापराविरोधात पुणेकर नागरिक रस्त्यावर
Pune Protest against DJ : पुण्यात आगामी गणेशोत्सवाच्या पार्श्वभूमीवर कर्णकर्कश DJ आणि लाऊडस्पीकरच्या अतिवापराविरोधात पुणेकर नागरिक मोठ्या संख्येने रस्त्यावर उतरले. बालगंधर्व चौकात नागरिकांनी एकत्र येत DJमुक्त गणेशोत्सवाची मागणी केली. सार्वजनिक उत्सव आणि विसर्जन मिरवणुकांमध्ये होणाऱ्या आवाजामुळे वृद्ध नागरिक, रुग्ण, गर्भवती महिला आणि लहान मुलांना त्रास होत असल्याचे आंदोलकांचे म्हणणे आहे. उत्सव परंपरेचा आणि आनंदाचा असावा, मात्र तो नागरिकांच्या आरोग्याला घातक ठरू नये, अशी भूमिका नागरिकांनी मांडली.
हेही वाचा : कराड: दोन वर्षांपासून आईसोबत मित्राचे प्रेमसंबंध, साथीदाराच्या मदतीने बॉयफ्रेंडला संपवलं
"शारीरिक आणि मानसिक स्वास्थ्य बिघडते"
मोर्चात सहभागी नागरिकांनी कोणताही सण, उत्सव, जयंती किंवा कार्यक्रम असो, DJ आणि ध्वनी प्रदूषण नको, अशी मागणी केली. DJच्या मोठ्या आवाजामुळे नागरिकांचे शारीरिक आणि मानसिक स्वास्थ्य बिघडत असल्याचे आंदोलकांनी सांगितले. तसेच DJवर अश्लील गाणी वाजवली जात असल्याचा आरोपही करण्यात आला. अश्लील गाणी वाजवणे हे कोणत्याही संस्कृतीचे प्रदर्शन नसल्याचे सांगत राज्य सरकार आणि प्रशासनाने सामान्य नागरिकांचा आवाज ऐकावा आणि DJमुक्त उत्सवासाठी निर्णय घ्यावा, अशी विनंती करण्यात आली.
हेही वाचा : नवी मुंबई पोलीस अधिकाऱ्याने संपवलं जीवन, सुसाईड नोेटमध्ये वरिष्ठ अधिकाऱ्यांची नावे