Lilavati Hospital: मानवी हाडे, केस आणि 8 कलश... चक्क लीलावतीत काळी जादू, काय आहे सगळं प्रकरण?
Lilavati hospital Black Magic: मुंबईतील लीलावती रुग्णालयात 'काळ्या जादू'चे पुरावे सापडले आहेत. ज्यामध्ये मानवी हाडे, कवट्या, केस, तांदूळ आणि तांत्रिक पद्धतींशी संबंधित इतर वस्तू होत्या.
ADVERTISEMENT
बातम्या हायलाइट
मुंबईतील लीलावती रुग्णालयात कोणी केली काळी जादू
मानवी हाडे, केस आणि 8 कलश सापडल्याने रुग्णालयात खळबळ
नेमकं काय आहे संपूर्ण प्रकरण, जाणून घ्या
मुंबई: मुंबईतील प्रसिद्ध लीलावती रुग्णालयाच्या विश्वस्तांनी दावा केला आहे की रुग्णालयाच्या परिसरात काळ्या जादूचे विधी केले जात असल्याचे पुरावे सापडले आहेत. त्यांच्या मते, सध्याच्या विश्वस्त कार्यालय असलेल्या जमिनीखाली मानवी हाडे, कवट्या, केस, तांदूळ आणि तांत्रिक पद्धतींशी संबंधित इतर वस्तू असलेले आठ कलश सापडले आहेत. गेल्या काही दिवसांपासून लीलावती रुग्णालयाचे विश्वस्त निधीच्या गैरवापराच्या कथित प्रकरणामुळे चर्चेत आहेत.
एका माजी कर्मचाऱ्याकडून मिळालेल्या माहितीच्या आधारे या गोष्टी सापडल्या आणि उत्खननादरम्यान एक व्हिडिओ देखील बनवण्यात आला. हॉस्पिटल ट्रस्टने त्यांच्या माजी विश्वस्तांवर बनावट ऑर्डर आणि रेकॉर्डद्वारे पैसे उकळल्याचा आरोप करत 1250 कोटी रुपयांपेक्षा जास्त रकमेच्या गैरव्यवहाराचा खटला दाखल केल्यानंतर हे घडले आहे. तथापि, माजी विश्वस्तांनी हे आरोप निराधार आणि द्वेषपूर्ण असल्याचे सांगत फेटाळून लावले.
हे ही वाचा>> Honeymoon साठी बेडरुममध्ये गेल्यावरच प्रदीपच्या मोबाइलवर 'तो' मेसेज, अन् दोघांचा मृत्यू...
लीलावती रुग्णालयाचे संस्थापक किशोर मेहता यांचे भाऊ विजय मेहता, त्यांचे नातेवाईक आणि सहकाऱ्यांविरुद्ध आर्थिक अनियमिततेप्रकरणी तीन एफआयआर दाखल करण्यात आले आहेत. याशिवाय, माजी विश्वस्तांविरुद्ध कर चोरीच्या तक्रारी देखील दाखल करण्यात आल्या होत्या.
या घोटाळ्याची चौकशी व्हावी म्हणून विद्यमान विश्वस्तांनी अंमलबजावणी संचालनालयाकडे तक्रार केली आहे. माजी विश्वस्त युएई आणि बेल्जियममध्ये गेले आहेत असे वृत्त आहे.
हे वाचलं का?
