Honeymoon साठी बेडरुममध्ये गेल्यावरच प्रदीपच्या मोबाइलवर 'तो' मेसेज, अन् दोघांचा मृत्यू...
Ayodhya Crime News: अयोध्येतील प्रदीप आणि शिवानी या नवविवाहित जोडप्याच्या मृत्यूविषयी आता गूढ अधिक वाढू लागलं आहे. त्याताच प्रदीपला मोबाइलवर आलेल्या शेवटच्या मेसेजविषयी देखील आता उलटसुलट चर्चा सुरू झाल्या आहेत.
ADVERTISEMENT
अयोध्या: अयोध्येत लग्नाच्या पहिल्या रात्री झालेल्या दुहेरी मृत्यूचे गूढ उलगडण्याऐवजी अधिकच गुंतागुंतीचे होत चालले आहे. शिवानीला मारल्यानंतर प्रदीपने आत्महत्या का केली? हा घाईघाईने घेतलेला निर्णय होता की सुनियोजित होता? शेवटी, दोघेही खोलीत गेल्यानंतरच प्रदीपच्या मोबाइलवर मेसेज का आला? सध्या असे अनेक प्रश्न आहेत ज्यांची उत्तरे ना पोलिसांना सापडत आहेत ना कुटुंबातील सदस्यांना. पोलिसांनी अनेक वेगवेगळ्या बाजूने या प्रकरणाचा शोध सुरू केला आहे. परंतु अद्याप कोणताही ठोस निष्कर्ष निघालेला नाही.
प्रदीपच्या मोबाइलवरचा शेवटचा मेसेज अन्...
प्रदीप आणि शिवानीचे लग्न ठरल्यापासून दोघेही तासन्तास फोनवर बोलत होते. लग्नाच्या विधींमध्येही दोघेही खूप आनंदी दिसत होते. लग्नानंतर दोघं पहिल्या रात्री खोलीत प्रवेश करण्यापूर्वीही दोघे खूप आनंदी होते. कुटुंब आणि मित्रांसोबत काही हास्य आणि विनोदही झाले. आता प्रश्न असा पडतो की, खोलीत नेमके असे काय घडले की प्रदीपने इतके भयानक पाऊल उचलले.
हे ही वाचा>> Honeymoon सेलिब्रेट करताना प्रदीप आणि शिवानीचा कसा झाला मृत्यू? हादरवून टाकणारी गोष्ट आली समोर
असे सांगितले जात आहे की, प्रदीपला त्याच्या फोनवर काही मेसेज आला असावा ज्यामुळे त्याचा शिवानीशी वाद झाला आणि त्यानंतर प्रदीपने हे टोकाचं पाऊल उचललं असावं. या संपूर्ण प्रकरणात, प्रदीपच्या मोबाइलवर आलेल्या मेसेजची वेळ ही गोष्ट भुवया उंचवणारी आहे.
प्रदीप-शिवानी रुममध्ये गेल्यावरच का पाठविण्यात आला मेसेज?
लग्नानंतर, जेव्हा वधू-वर त्यांच्या खोलीत गेले, तेव्हा काही वेळातच कोणीतरी प्रदीपला मेसेज केला. सूत्रांच्या माहितीनुसार, मेसेजच्या वेळेबद्दल शंका उपस्थित केल्या जात आहेत. ज्या व्यक्तीने मेसेज पाठवला त्याला शिवानीच्या पतीचा नंबर कसा मिळाला आणि त्याने दोघेही खोलीत असतानाच मेसेज का केला? असेही सवाल आता विचारले जात आहेत.
