बलात्काराच्या आरोपात आधीच तुरुंगात, पॅरोलवर सुटल्यानंतर देखील मोलकरणीच्या मुलीला सोडलं नाही अन् पत्नीच्या मैत्रिणीसोबत सुद्धा...

मोलकरणीच्या मुलीवर बलात्कार 

पोलिसांच्या माहितीनुसार, 2016 मध्ये आरोपी करणने आपल्याच घरात काम करणाऱ्या मोलकरणीच्या मुलीवर बलात्कार केला. या प्रकरणासंबंधी बिंदापूर पोलीस स्टेशनमध्ये गुन्हा दाखल करण्यात आला. यासंबंधी न्यायालयाने आरोपीला दोषी ठरवलं आणि त्याला 10 वर्षांच्या कारावासाची शिक्षा सुनावण्यात आली. मात्र, त्याचं हे घृणास्पद कृत्य एवढ्यावरच थांबलं नाही. तुरुंगात शिक्षा भोगत असताना, त्याने त्याच्या पत्नीच्या आजारपणाचे कारण देत 28 दिवसांचा अंतरिम जामीन मिळवला.

जामिनावर बाहेर असताना, त्याने त्याच्या पत्नीच्या एका मैत्रिणीला टार्गेट केलं. त्याने तिच्यावर केवळ बलात्कारच नाही तर तिच्यासोबत अनैसर्गिक लैंगिक कृत्ये देखील केली. याप्रकरणी बिंदापूर पोलिस ठाण्यात एक गंभीर गुन्हा दाखल करण्यात आला असून त्यामध्ये पॉक्सो कायद्याचे कलम देखील जोडले गेले. त्यानंतर पोलिसांपासून वाचण्यासाठी करण फरार झाला. 

हे ही वाचा: मुंबईची खबर: 21 किमी लांब वॉटर टनल प्रोजेक्टला ग्रीन सिग्नल! आता, मुंबईकरांची पाणी टंचाई दूर होणार...

आरोपीला अटक करण्यासाठी, डीसीपी यांनी एक विशेष पथक तयार केलं. पोलिसांनी मॅन्युअल इंटेलिजेंस आणि टेक्निकल सर्व्हिलांसचं मजबूत नेटवर्क तैनात केलं. दरम्यान, कॉन्स्टेबलला आरोपी करण डोलतानी हा गुरुग्राममधील घामरोज टोल प्लाझाजवळ येत असल्याची माहिती मिळाली. एसीपींच्या देखरेखीखाली, पथकाने टोल प्लाझाजवळ आरोपीला अटक केली.