Eid-e-Milad: ईद-मिलादच्या मिरवणुकीत हवेत भिरवकला झेंडा अन् तरुणाने जागीच गमवला जीव!

Eid-e-Milad Youth Death: दरवर्षीप्रमाणे यंदाही मुंबई लगतच्या भिवंडी (Bhiwandi) परिसरात ईद मिलाद-उन-नबीच्या (Eid-e-Milad-un-Nabi) शुभमुहूर्तावर रझा अकादमीच्या माध्यमातून भिवंडी शहरातील कोटर गेट येथून 19वी वार्षिक ईद मिलाद-उन-नबी मिरवणूक मोठ्या थाटामाटात काढण्यात आली होती. पवित्र कुराण पठणाने मिरवणुकीला सुरुवात झाली. या मिरवणुकीत यावेळी लाखो लोक सहभागी झाले होते. पण याच वेळी एक अशी दुर्घटना घडली की ज्यामुळे संपूर्ण भिवंडी हादरून गेलं आहे. (a young man died due to electric shock while hoisting the flag during the eid milad un nabi procession in bhiwandi)

दरम्यान, भिवंडी शहरातील पिराणी पाडा परिसरातून ईद मिलाद-उन-नबीच्या मिरवणुकीत सामील होण्यासाठी मोठ्या प्रमाणात तरुण हे हातात उंच झेंडे घेऊन घोषणाबाजी करत होते. यावेळी तरुणांच्या हातात 20 ते 25 फूट लांबीचा मोठा लोखंडी रॉड होता. हाच रॉड अचानक वरून जाणऱ्या 21000 हजार हाय पॉवर वायर लाईनला धडकली. जो रस्त्याच्या मधोमध जमिनीपासून 25 फूट वर होता. रॉड जेव्हा विद्युत तारेच्या संपर्कात आला तेव्हा त्यांच्या करंटने एक तरुण गंभीर जखमी झाला. यावेळी घटनास्थळी उपस्थित असलेल्या लोकांनी तरुणाला तात्काळ रुग्णालयात नेले. मात्र, त्याआधीच त्याचा मृत्यू झाला होता.

अशफाक शेख असे मृत तरुणाचे नाव असून त्याचे वय २१ वर्ष होतं. तो मूळचा सुलतानपूर, उत्तर प्रदेशचा रहिवासी होता आणि व्यवसायाने टेलरिंगचे काम करत होता. या अपघातामुळे संपूर्ण मिरवणुकीत शोककळा पसरली. तसंचे हे वृत्त पसरताच संपूर्ण भिवंडीत अनेकांना धक्का बसला.