Mulund: ‘गुजराती माणसाने मराठी म्हणून जागा नाकारली’, महिलेला धक्काबुक्की; अजित पवार प्रचंड संतापले

नेमकं प्रकरण काय?

मुंबईत राहणाऱ्या तृप्ती देवरूखकर या महिला तिच्या नवऱ्यासोबत ऑफिससाठी जागा पाहण्यासाठी मुलुंड परिसरात गेल्या होत्या. तृप्ती या मुलुंडच्या शिवसदन सोसायटीत गेल्या होत्या. यावेळी शिवसदन सोसायटीचे सेक्रेटरी प्रविण ठक्कर यांनी त्यांना सोसायटीत महाराष्ट्रीयन अलाऊड नसल्याचे उत्तर दिले होते. या संबंधित सोसाटीची नियमावलीची कॉपी तृप्ती यांनी मागितली असता सेक्रेटरीने त्यांच्यासोबत हुज्जत घालायला सुरूवात केली. तृप्तीसोबत त्यांचा नवरा आणि सोसाटीच्या सेक्रेटरीमध्ये यावरून मोठा वाद देखील झाला.

हे ही वाचा: Ajit Pawar: दादा मुख्यमंत्री? मोहित कंबोज यांचे बोचणारे 8 शब्द, Tweet का केलं डिलीट?

या घटनेनंतर तृप्ती देवरूखकर यांनी फेसबूकवर संपूर्ण घटनाक्रम सांगितला. महाराष्ट्रात, मुंबईत मराठी माणस अलाऊड नाही आहेत. इतकी मुजोरी, इतका माज कुठून आला? महाराष्ट्रात राहून मराठी माणसांनाच सांगतात, तुम्हाला इथे राहण्याची परवानगी नाही आहे. मग काय गुजरातमध्ये राहायचं का, असा संतप्त सवाल तृप्ती देवरूखकर यांनी यावेळी केला. त्याचसोबत सोसायटीचा सेक्रेटरी माझ्या अंगावर आला, माझ्या नवऱ्याला मारहाण केली,त्यांचा चष्मा देखील तोडला असा गंभीर आरोप तृप्ती देवरूखकर यांनी केला आहे.

गणपतीत तुम्हाला रायगडचा देखावा करायचा असतो, मावळेपण मिरवायचे असते. पण हे खूप भयानक आहे. तुमच्या मनसैनिक आणि शिवसैनिक म्हणण्यात अर्थ नाही, अशी टीका त्यांनी राजकीय पक्षांवर केली.

अजित पवार काय म्हणाले?

मुलुंडमधील या घटनेचे आता राजकीय पडसाद उमटू लागले आहेत. अजित पवार यांनी या घटनेवर प्रतिक्रिया दिली आहे. महाराष्ट्रात अशा घटना अजिबात चालणार नाही. अशी मक्तेदारी सहन केली जाणार नाही. आम्ही या घटनेची गंभीर दखल घेऊ आणि मराठी माणसाचा अपमान करण्याचे धाडस होणार नाही, याची आम्ही काळजी घेऊ असे अजित पवार म्हणाले आहेत.

दरम्यान या घटनेची दखल स्थानिक मनसे नेत्याने घेतली होती. या मनसे नेत्यानी संबंधित सेक्रेटरीला मराठी माणसाची माफी मागायला लावली होती.

हे ही वाचा: Mumbai: जुहूमध्ये पोलिसासोबत राहायची लिव्ह-इनमध्ये, तरुणीचा मृतदेह पाहून अवघी सोसायटी हादरली!