बांगड्या भरल्या, लिपस्टिक लावली अन् मेकअप.., छेड काढणाऱ्या 'रोमिओ'ला तरुणीने शिकवला धडा VIDEO
Badnera Akola Express Crime : बडनेरा-अकोला एक्सप्रेसमध्ये एका तरुणीशी कथित छेडछाड करण्याचा प्रयत्न करणाऱ्या नराधमाला तरुणीने प्रवाशांच्या मदतीने धडा शिकवलाय. या घटनेचा व्हिडिओ सोशल मीडियावर व्हायरल झालाय.
ADVERTISEMENT
बातम्या हायलाइट
बांगड्या भरल्या, लिपस्टिक लावली अन् मेकअप..,
छेड काढणाऱ्या 'रोमिओ'ला तरुणीने शिकवला धडा
Badnera Akola Express Crime, धनंजय साबळे : बडनेराहून अकोल्याकडे येणाऱ्या कोला-बडनेरा एक्सप्रेस ट्रेनमध्ये एका तरुणीशी कथित छेडछाड करणाऱ्या युवकाला एका धाडसी तरुणीने आणि सहप्रवाशांनी वेगळ्याच पद्धतीने धडा शिकवल्याची घटना समोर आली आहे. मिळालेल्या माहितीनुसार, प्रवासादरम्यान संबंधित युवकाने तरुणीशी कथितपणे गैरवर्तन करण्याचा आणि छेडछाड करण्याचा प्रयत्न केला. मात्र, घाबरून न जाता त्या तरुणीने त्याच्याविरोधात तात्काळ आवाज उठवला. तिच्या धाडसी भूमिकेमुळे डब्यातील इतर प्रवासीही तिच्या मदतीसाठी पुढे आले. या संपूर्ण घटनेचा व्हिडिओ सध्या सोशल मीडियावर मोठ्या प्रमाणात व्हायरल होत आहे. मात्र, या व्हिडिओची स्वतंत्रपणे पुष्टी झालेली नाही.
हेही वाचा : 'रामरक्षा काय रामदास कदमच्या बापाने लिहिली, ढुं#&% सोडून चोऱ्या...', पेडणेकरांचा रुद्रावतार!
तरुणीच्या धाडसाचे अनेक प्रवाशांनी केले कौतुक
या घटनेदरम्यान संबंधित युवकाला मारहाण करण्यात आली नाही. त्याऐवजी प्रवाशांच्या मदतीने त्याच्या हातात बांगड्या घालण्यात आल्या तसेच त्याच्या चेहऱ्यावर लिपस्टिक लावली आणि मेकअप करण्यात आला. महिलांचा सन्मान करणे किती महत्त्वाचे आहे, हा संदेश देण्याचा प्रयत्न यामागे करण्यात आल्याचे सांगितले जात आहे. तरुणीच्या धाडसाचे डब्यातील अनेक प्रवाशांनी कौतुक केले. या संपूर्ण प्रकारामुळे काही वेळ डब्यात लक्षवेधी वातावरण निर्माण झाले आणि उपस्थित प्रवाशांनीही या घटनेची दखल घेतली.
हेही वाचा : समजून घ्या: डीलिमिटेशनमध्ये मतदारसंघ असे काही बदलले की काँग्रेसचा विश्वासच राहिला नाही?
