Chandigarh Mayor : विनोद तावडेंनी रात्रीतून बदलला 'गेम'; आपचा 'करेक्ट कार्यक्रम' !
chandigarh mayor poll supreme court Hearing : चंदीगड महापालिकेत भाजपची ताकद वाढली.
ADVERTISEMENT
बातम्या हायलाइट
चंदीगड महापौर निवडणूक वाद
विनोद तावडेंनी बदललं समीकरण
आपच्या तीन नगरसेवकांनी भाजपमध्ये केला प्रवेश
News about Chandigarh Mayor : चंदीगड महापौर निवडणुकीचा मुद्दा सुप्रीम कोर्टात गेल्यानंतर भाजपने मोठा डाव टाकला. महापौर निवडणुकीत खाडाखोड करून मते बाद ठरवल्याच्या प्रकरणावर सुप्रीम कोर्टाने ताशेरे ओढले. त्यानंतर भाजपचे नेते विनोद तावडे यांनी मोठी खेळी करत चित्रच बदलून टाकले. एका रात्रीत चंदीगड महापालिकेतील गणित बदललं असून, भाजपने आप ला मोठा झटका दिला आहे. या राजकीय खेळीमुळे तावडेंचं नाव पुन्हा एकदा चर्चेत आलं आहे. (BJP Mayor of Chandigarh Manoj Sonkar has resigned from his post.)
अनेक दिवस लांबलेल्या चंदीगड महापौर पदाची निवडणूक घेण्यात आली. या निवडणुकीत आम आदमी पार्टी आणि काँग्रेस एकत्र आल्याने त्यांचा महापौर निवडून येईल, अशी स्पष्ट स्थिती होती. मात्र निवडणूक अधिकाऱ्यांने आप-काँग्रेसची आठ मते बाद ठरवली. त्यामुळे भाजपला बहुमत मिळून भाजपचे मनोज सोनकर महापौर झाले.
सुप्रीम कोर्टाने निवडणूक अधिकाऱ्याला झापले
चंदीगड महापौर निवडणुकीत झालेल्या या प्रकारानंतर सुप्रीम कोर्टात धाव घेण्यात आली होती. सुप्रीम कोर्टाने निवडणुकीचे व्हिडीओ बघून संताप व्यक्त केला होता. ही लोकशाहीची हत्या आहे, असे सांगत सुप्रीम कोर्टाने निवडणूक अधिकाऱ्याला हजर राहण्याचे आदेश दिले. या प्रकरणाची सोमवारी (19 फेब्रुवारी) सुनावणी आहे.
सोनकरांचा राजीनामा, आपचे तीन नगरसेवक भाजपमध्ये
सुप्रीम कोर्टातील सुनावणी पूर्वीच दोन मोठ्या घडामोडी घडल्या आहेत. भाजपने नंबर गेम जुळवून आणण्यासाठी आम आदमी पक्षाला मोठा झटका दिला आहे. एकीकडे नवनिर्वाचित महापौर मनोज सोनकर यांनी पदाचा राजीनामा दिला आहे. दुसरीकडे सोनकरांच्या राजीनाम्यानंतर आम आदमी पक्षाचे तीन नगरसेवक भाजपमध्ये दाखल झाले आहे.
हे वाचलं का?
