मिल्कशेकमध्ये 5 हजारांचं विष, पोलीस पित्याला पोलीस मुलीनं पोलिस प्रियकराच्या मदतीनं संपवल्याची A टू Z स्टोरी!
Chandrapur Crime : चंद्रपूरमध्ये एका महिला पोलीस कर्मचाऱ्याने प्रियकराच्या मदतीने वडिलांची हत्या केल्याचा धक्कादायक प्रकार 3 वर्षांनंतर उघडकीस आला आहे. प्रेमप्रकरणाला विरोध केल्यामुळे दूधशार्करेत विष देऊन हा कट रचण्यात आला होता.
ADVERTISEMENT
बातम्या हायलाइट
मिल्कशेकमध्ये 5 हजारांचं विष
पोलीस पित्याला पोलीस मुलीनं पोलिस प्रियकराच्या मदतीनं संपवल्याची A टू Z स्टोरी!
Chandrapur Crime, विकास राजूरकर : चंद्रपूर जिल्ह्यात माणुसकीला काळिमा फासणारी एक अत्यंत गंभीर घटना समोर आली आहे. एका पोलीस तरुणीनेच आपल्या वडिलांचा काटा काढल्याचे तब्बल 3 वर्षांनंतर उघड झाले असून या प्रकरणाने संपूर्ण पोलीस दल हादरले आहे. रामनगर पोलिसांनी याप्रकरणी चार जणांना अटक केली असून, यात खुद्द मृताची मुलगी आणि तिचा पोलीस दलातील प्रियकर यांचा समावेश आहे. हेड कॉन्स्टेबल जयंत बाल्लावार यांची हत्या त्यांच्याच मुलीने, आर्या बाल्लावार हिने प्रियकर आशिष शेडमाके याच्या मदतीने केली होती. ही भीषण घटना 25 एप्रिल 2023 रोजी घडली होती, परंतु या गुन्ह्याचा खरा उलगडा 23 मार्च 2026 रोजी झाला आहे. पोटच्या मुलीने केवळ प्रेमप्रकरणासाठी वडिलांचा बळी घेतल्याने समाजात तीव्र संताप व्यक्त केला जात आहे.
प्रेमप्रकरणातून रचला मृत्यूचा सापळा
या प्रकरणातील मुख्य आरोपी आर्या आणि आशिष यांचे प्रेमसंबंध होते, मात्र आर्याचे वडील जयंत बाल्लावार यांना या संबंधांची कुणकुण लागली होती. वडिलांनी याला कडाडून विरोध केला आणि यावरून आर्याला अनेकदा मारहाणही केली होती. वडिलांचा हा विरोध आपल्या प्रेमात अडथळा ठरत असल्याचे पाहून या प्रेमी युगुलाने त्यांचा कायमचा काटा काढण्याचे ठरवले. विष मिळवण्यासाठी आशिषने आपल्या मावशीच्या मुलामार्फत चैतन्य गेडाम याच्याशी संपर्क साधला. चैतन्यने 5,000 रुपयांच्या बदल्यात एका काचेच्या बाटलीत घातक विष आणून दिले. 25 एप्रिल 2023 रोजी आर्याने संधी साधून आपल्या वडिलांना मिल्कशेक मधून हे विष पाजले. मिल्कशेक पिल्यानंतर काही वेळातच ड्युटीवर असताना जयंत बाल्लावार यांना चक्कर आली आणि रुग्णालयात दाखल करण्यापूर्वीच त्यांचा मृत्यू झाला. त्यावेळी पोलिसांनी मर्ग दाखल केला होता, परंतु आर्याने खोटा जबाब देऊन सर्वांची दिशाभूल केली होती.
