कधी बिकिनी गर्ल तर कधी कपलचा किस… वैतागून मेट्रो प्रशासनाचं मजेशीर ट्विट
दिल्ली मेट्रोतून दररोज अनेक व्हिडिओ समोर येत असतात. हे व्हिडिओ नेहमी वादग्रस्त ठरत असतात.
ADVERTISEMENT
दिल्ली : कधी ‘बिकिनी गर्ल’ तर कधी ‘स्कर्ट बॉईज’… अलिकडील काळात दिल्ली मेट्रो या सातत्याने वेगवेगळ्या प्रकारच्या प्रवाशांमुळे चर्चेत आहे. कधी मेट्रोमध्ये डान्स करतानाचे व्हिडीओ व्हायरल झाले होता. तर एकदा कपल किस करताना दिसले होते. यावर आता दिल्ली मेट्रो रेल कॉर्पोरेशन (DMRC) ने पुन्हा एकदा लोकांना मेट्रोमध्ये कोणालाही त्रास होईल असे कोणतेही कृत्य न करण्याचे आवाहन केले आहे. डीएमआरसीचे यासंदर्भातील ट्विट व्हायरल होत आहे. (Delhi Metro Rail Corporation (DMRC) has once again appealed to people not to do anything that could cause trouble to anyone in the metro.)
डीएमआरसीने या ट्विटमध्ये लिहिले की, ‘मेट्रोमध्ये Travel करा, Trouble नाही.’ यासोबतच तुमच्या डान्सचा मेट्रो प्रवाशांवर किती प्रभाव पडतो, हे एका मजेशीर चित्रासह दाखवण्याचा प्रयत्न केला आहे. DMRC ने शेअर केलेल्या चित्रात, मायग्रेन, हायपरटेन्शन आणि तणावाच्या वेळी मेंदूतील परिस्थिती लाल रंगात दाखविण्यात आली आहे. तर सर्वात वाईट परिस्थिती मेट्रोमध्ये कोणीतरी डान्स करत असते तेव्हा होते, असे दाखवले आहे.
मेट्रो में Travel करें Trouble नहीं #DelhiMetro pic.twitter.com/UwVfQmo9aH
— Delhi Metro Rail Corporation I कृपया मास्क पहनें😷 (@OfficialDMRC) April 24, 2023
डीएमआरसीच्या या ट्विटला आतापर्यंत 65 हजारांहून अधिक व्ह्यूज मिळाले आहेत. यावर शेकडो युजर्सनीही प्रतिक्रियाही दिल्या आहेत. एका यूजरने म्हटले की, मेट्रो प्रवासासाठी आहे, नाचण्यासाठी आणि गाण्यासाठी नाही. दुसर्‍याने म्हटले की, डीएमआरसीला कठोर व्हावे लागेल. तिसरा म्हणाला, अशा लोकांना दंड लावा. तर अशा प्रकारची कृत्ये दिवसेंदिवस वाढत आहेत. नुसते आवाहन करून चालणार नाही, असेही एका युजरने म्हटले.
हे वाचलं का?
