दिवाळी बोनस म्हणून सोन पापडी दिली, संतापलेल्या कर्मचाऱ्यांनी कंपनीच्या गेट समोर बॉक्स फेकले

घटनेचा व्हिडिओ आणि कामगारांचा रोष

व्हिडिओमध्ये स्पष्टपणे दिसते की, डझनभर कर्मचारी कंपनीबाहेर जमलेले असून, त्यांच्या हातातील सोनपापडीचे डबे रागाने फेकत आहेत. कर्मचाऱ्यांचे म्हणणे आहे की, दिवाळीसारख्या मोठ्या सणाच्या निमित्ताने त्यांना बोनसची अपेक्षा होती. मात्र, बोनसऐवजी गोडधोड देऊन व्यवस्थापनाने त्यांचा अपमान केल्याचा त्यांचा आरोप आहे. त्यामुळे कर्मचाऱ्यांनी हा आपल्या स्वाभिमानाचा प्रश्न मानत तीव्र नाराजी व्यक्त केली.

हेही वाचा : तरुणाने तरुणीला विवाहास दिला नकार, तरूणी घर सोडून गेली, अखेर तलावात उडी घेत... जालना हादरलं!

व्यवस्थापनाविरोधात संतापाची लाट

या प्रकरणानंतर संपूर्ण औद्योगिक परिसरात चर्चेला उधाण आले आहे. काही जण कर्मचाऱ्यांच्या नाराजीला योग्य ठरवत आहेत, तर काहींच्या मते अशा प्रकारे भेटवस्तू फेकून दिल्याने परिस्थिती आणखी बिघडू शकते. अद्याप या ही घटना कोणत्या कंपनीत घडलीये? याबाबतची अधिकृत माहिती समोर आलेली नाही. प्रशासन किंवा श्रम विभागानेही अद्याप या प्रकरणात कोणतीही कारवाई केलेली नाही.