तरुणाने तरुणीला विवाहास दिला नकार, तरूणी घर सोडून गेली, अखेर तलावात उडी घेत... जालना हादरलं!

हे ही वाचा : ऐन दिवाळीत कोल्हापूर-राधानगरी रस्त्यावर भीषण अपघात, भाऊबीजेपूर्वी भावासह बहिणीचा चिरडून मृत्यू

तरुणाचा तरुणीला विवाहास नकार अन्...

संबंधित प्रकरणात तरुणाने मुलीला विवाह करण्यास नकार दिला, हाच राग डोक्यात ठेवत तरुणी घराबाहेर पडली. त्यानंतर तिचा शोध  घेण्यात आला असता, तिच्या वडिलांनी तिला घरी जाण्यास सांगितले, पण तिने नकार दिला. त्याचक्षणी वडिलांनी तरुणीला बेदम मारहाण केली. त्यानंतर संतापाच्याभरात तरुणीने घरी येण्यास नकार दिला आणि म्हणाली की मला आत्महत्या करायची. त्यानंतर वडील घटनास्थळावरून निघून गेले. तेव्हाच जालन्यातील मोती तलावात तरुणीने उडी घेत जीवन संपवल्याची घटना आहे. 

आत्महत्या केल्याचं कारण समोर

काही वेळानंतर याच तलावाच्या पाण्यावर तरंगत असलेला मृतदेह काही नागरिकांनी पाहिला. नागरिकांनीच चंदनझिरा पोलिसांना बोलावले आणि पोलिसांनी मृतदेह ताब्यात घेतला. त्यानंतर पोलिसांनी या घटनेचा एकूण तपास केला असता, तरुणीने आत्महत्या केल्याचं कारण समोर आले. याच प्रकरणी आरोपी वडिलांसह संबंधित तरुणाला अटक करण्यात आली आहे.