महाराष्ट्र हादरला, संशयाच्या भूतानं पछाडलं, बायकोला दगडाने ठेचून संपवलं अन् पतीची आत्महत्या, 4 मुलं झाली अनाथ
Gadchiroli Crime : पत्नीचा मृतदेह सापडल्यानंतर पती राकेश कुजूर याचा शोध सुरू करण्यात आला. अखेर 8 जानेवारी रोजी राकेशचा मृतदेह त्याच्याच शेतात आढळून आला. प्राथमिक तपासात पत्नीच्या हत्येनंतर पश्चात्ताप, भीती किंवा अटकेच्या भीतीपोटी त्याने विष प्राशन करून आत्महत्या केल्याचा संशय पोलिसांनी व्यक्त केला आहे.
ADVERTISEMENT
बातम्या हायलाइट
महाराष्ट्र हादरला, संशयाच्या भूतानं पछाडलं,
बायकोला दगडाने ठेचून संपवलं अन् पतीची आत्महत्या, 4 मुलं झाली अनाथ
Gadchiroli Crime, व्यंकटेश दुधमवार : गडचिरोली जिल्ह्यातील धानोरा तालुक्यात घडलेल्या एका धक्कादायक घटनेने संपूर्ण महाराष्ट्र हादरून गेला आहे. पत्नीच्या चारित्र्यावर संशय घेत पतीने तिची दगडाने ठेचून निर्घृण हत्या केली आणि त्यानंतर स्वतःही आत्महत्या केल्याची हृदयद्रावक घटना समोर आली आहे. या दुर्दैवी प्रकारामुळे चार निष्पाप मुलांच्या डोक्यावरून आई-वडिलांचे छत्र हरपले असून, संपूर्ण गावात शोककळा पसरली आहे.
धानोरा तालुक्यातील दुर्गम भाग असलेल्या रोपीनगड्डा गावातील रहिवासी कनिष्ठा राकेश कुजूर (वय 32) आणि राकेश सुकणा कुजूर (वय 37) हे या घटनेतील मृत दाम्पत्य आहे. मिळालेल्या माहितीनुसार, 5 जानेवारी रोजी दोघेही शेतात धान कापणीचे काम आटोपून “घरी जातो” असे सांगून निघाले होते. मात्र, त्यानंतर ते घरी पोहोचलेच नाहीत. दोन दिवसांनंतर, 7 जानेवारीला गावाजवळील गागीरमेटा डोंगर परिसरात कनिष्ठा कुजूर यांचा रक्ताच्या थारोळ्यात पडलेला मृतदेह आढळून आला. त्यांच्या डोक्यावर दगडाने जोरदार वार करण्यात आल्याचे स्पष्ट झाले.
पत्नीचा मृतदेह सापडल्यानंतर पती राकेश कुजूर याचा शोध सुरू करण्यात आला. अखेर 8 जानेवारी रोजी राकेशचा मृतदेह त्याच्याच शेतात आढळून आला. प्राथमिक तपासात पत्नीच्या हत्येनंतर पश्चात्ताप, भीती किंवा अटकेच्या भीतीपोटी त्याने विष प्राशन करून आत्महत्या केल्याचा संशय पोलिसांनी व्यक्त केला आहे.
हेही वाचा : उद्धव ठाकरे म्हणाले, अभिषेक असता तर भाजपची हिंमत झाली नसती; आता तेजस्वी घोसाळकरांचं जोरदार प्रत्युत्तर
हे वाचलं का?
