गोव्यातील नाईट क्लबला भीषण आग, 23 जणांचा जागीच मृत्यू; कशामुळे घडली दुर्घटना?
Goa arpora nightclub fire 23 killed cylinder blast marathi news : “23 जणांचे मृतदेह बाहेर काढण्यात आले असून बहुतांश मृत कर्मचारी वर्गातील आहेत,” अशी माहिती त्यांनी दिली. मृतांमध्ये तीन महिलांचादेखील समावेश असल्याची पुष्टी मुख्यमंत्री प्रमोद सावंत यांनी केली.
ADVERTISEMENT
बातम्या हायलाइट
गोव्यातील नाईट क्लबला भीषण आग
23 जणांचा जागीच मृत्यू; कशामुळे घडली दुर्घटना?
Goa arpora nightclub fire 23 killed cylinder blast marathi news : गोव्यातील Arpora गावातील Birch by Romeo Lane या लोकप्रिय शनिवारी रात्री भीषण आग लागली होती. या आगीत किमान 23 जणांचा मृत्यू झालाय, तर 50 हून अधिक जण जखमी झाल्याची माहिती अधिकाऱ्यांनी दिली आहे. मृतांपैकी बहुसंख्य जण हे क्लबमध्ये काम करणारे कर्मचारी असल्याचे समोर आले आहे. या घटनेमुळे पर्यटन हंगामाच्या मध्यावर राज्यात खळबळ उडाली आहे.
गोव्याचे पोलिस महासंचालक अलोक कुमार यांनी पीटीआयला दिलेल्या माहितीनुसार, क्लबच्या आत झालेल्या सिलिंडर स्फोटामुळे ही आग भडकली. मागील वर्षी सुरू झालेल्या या नाइटक्लबचे ठिकाण पणजीपासून जवळपास 25 किलोमीटर अंतरावर आहे. “23 जणांचे मृतदेह बाहेर काढण्यात आले असून बहुतांश मृत कर्मचारी वर्गातील आहेत,” अशी माहिती त्यांनी दिली. मृतांमध्ये तीन महिलांचादेखील समावेश असल्याची पुष्टी मुख्यमंत्री प्रमोद सावंत यांनी केली.
मुख्यमंत्री सावंत यांनी घटनास्थळी भेट देऊन परिस्थितीचा आढावा घेतला. त्यांनी सांगितले की, तीन जणांचा मृत्यू गंभीर भाजल्यामुळे झाला असून उर्वरित लोकांचा मृत्यू गुदमरल्याने झाला असावा. प्राथमिक तपासात या नाइटक्लबने अग्निसुरक्षा नियमांचे पालन केले नसल्याचे दिसून येत असल्याची माहिती त्यांनी दिली. “क्लब व्यवस्थापनाविरोधात कठोर कारवाई केली जाईल. तसेच सुरक्षेचे नियम मोडून परवानगी दिलेल्या अधिकाऱ्यांवरही कारवाई होणार आहे,” असा इशारा त्यांनी दिला.
पूर्वी आलेल्या प्राथमिक माहितीनुसार, पर्यटकांना काहीही इजा झाली नसल्याचे सांगण्यात आले होते. मात्र नंतर मुख्यमंत्र्यांनी स्पष्ट केले की, मृतांमध्ये “3 ते 4 पर्यटकांचाही समावेश” आहे.
हे वाचलं का?
