शैक्षणिक पात्रता काय?

या भरतीअंतर्गत फोरमन (केमिकल/सिव्हिल/इन्स्ट्रुमेंटेशन), ज्युनियर सुपरिंटेंडेंट (एचआर), ऑपरेटर (केमिकल), तंत्रज्ञ (इलेक्ट्रिकल/इन्स्ट्रुमेंटेशन/मेकॅनिकल) तसेच दिव्यांगांसाठी विशेष ऑपरेटर, तंत्रज्ञ आणि अकाउंट्स असिस्टंट ही ट्रेनी पदे भरली जाणार आहेत. वेगवेगळ्या पदांनुसार संबंधित क्षेत्रातील डिप्लोमा, पदवी किंवा आयटीआय (ITI) उत्तीर्ण असलेले उमेदवार या भरतीसाठी अर्ज करण्यास पात्र आहेत. जनरल, ईडब्ल्यूएस आणि ओबीसी-एनसीएल (OBC-NCL) प्रवर्गातील उमेदवारांसाठी अर्ज शुल्क 200 रुपये ठेवण्यात आले असून, अनुसूचित जाती (SC), अनुसूचित जमाती (ST) आणि दिव्यांग (PwBD) उमेदवारांना शुल्कातून पूर्ण सूट देण्यात आली आहे.

हे ही वाचा : ज्ञानेश कुमार यांनी मोदींच्या घरात चपरासी म्हणून राहावं - अभिजीत दीपके

पगार किती मिळणार?

निवड झालेल्या उमेदवारांना त्यांच्या पद आणि ग्रेडनुसार आकर्षक वेतनश्रेणी मिळणार आहे. एस-5 (S-5) ग्रेडमधील फोरमन व ज्युनियर सुपरिंटेंडेंट पदांसाठी 28,500 ते 86,570 रुपये वेतनश्रेणी असेल, तर एस-3 (S-3) ग्रेडमधील ऑपरेटर आणि तंत्रज्ञ पदांसाठी 25,000 ते 81,430 रुपये वेतनश्रेणी निश्चित करण्यात आली आहे. याशिवाय, एस-3 ट्रेनी पदांवर निवड होणाऱ्या उमेदवारांना प्रशिक्षण कालावधीत दरमहा 21,000 रुपये विद्यावेतन (स्टायपेंड) दिले जाईल. उत्तर-पूर्व भागात नियुक्ती झाल्यास नियमांनुसार विशेष भत्ताही लागू होईल.

हे ही वाचा : बाळू राऊत मशरूम आणण्यासाठी गेले अन्... अंगावर काटा आणणारी घटना, धड एकीकडे अन् 12 फुटांवर पाय.. नेमकं काय घडलं

अर्ज कुठे कराल?

इच्छुक आणि पात्र उमेदवारांनी आपले अर्ज अंतिम मुदतीपूर्वी म्हणजेच 9 ऑक्टोबरच्या आत सादर करणे आवश्यक आहे. भरतीबाबतची सविस्तर शैक्षणिक पात्रता, वयोमर्यादा, अटी व शर्ती आणि ऑनलाइन अर्जाची लिंक मिळवण्यासाठी उमेदवारांनी www.bcplonline.co.in या अधिकृत संकेतस्थळाला भेट द्यावी.