Iran President Helicopter Crash : हेलिकॉप्टर अपघातात इराणचे राष्ट्राध्यक्ष ठार
Iran President Ebrahim Raisi Dies In Chopper Crash : इराणमधील वेळेनुसार हा अपघात रविवारी (१९ मे) दुपारी एकच्या सुमारास (भारतीय वेळेनुसार दुपारी ३ वाजता) झाला.
ADVERTISEMENT
बातम्या हायलाइट
इराणच्या राष्ट्राध्यक्षांच्या हेलिकॉप्टरचा अपघात
इब्राहिम रईसी यांचे अपघातात मृत्यू
परराष्ट्र मंत्र्यांचाही हेलिकॉप्टर अपघातात मृत्यूम
Iran President Helicopter Crash : एका भीषण हेलिकॉप्टर दुर्घटनेत इराणचे राष्ट्राध्यक्ष इब्राहिम रईसी यांचा मृत्यू झाला. वृत्तसंस्था रॉयटर्सने इराणच्या एका अधिकाऱ्याच्या हवाल्याने सांगितले की, बचाव पथकांनी अपघातग्रस्त हेलिकॉप्टरचे अवशेष शोधून काढले आहेत आणि बर्फाच्छादित डोंगराळ भागात घडलेल्या या अपघातात इराणचे अध्यक्ष इब्राहिम रईसी आणि परराष्ट्र मंत्री जिवंत असण्याच्या आशा मावळल्या आहेत. (President Ebrahim Raisi Dies In Chopper Crash)
इराणच्या प्रेस टीव्हीने एक्स पोस्टमध्ये लिहिले की, 'रेस्क्यु टीमने राष्ट्राध्यक्ष इब्राहिम रईसी यांच्या अपघातग्रस्त हेलिकॉप्टरची ओळख पटवली आहे. कुणीही व्यक्ती जिवंत असल्याचे आढळून आलं नाही.'
इराणच्या राष्ट्राध्यक्षांच्या हेलिकॉप्टरला काय झालं?
राष्ट्रपतींच्या ताफ्यात तीन हेलिकॉप्टरचा समावेश होता. त्यापैकी दोन सुखरूप परतले, परंतु इब्राहिम रईसी यांच्यासह इराणचे परराष्ट्र मंत्री हुसेन अमीर अब्दुल्लाहिन, पूर्व अझरबैजान प्रांताचे गव्हर्नर मालेक रहमती आणि धार्मिक नेते मोहम्मद अली अले-हाशेम हे प्रवास करत असलेले हेलिकॉप्टर परतले नाही.
"अध्यक्ष रईसी यांचे हेलिकॉप्टर अपघातात पूर्णपणे जळून खाक झाले... दुर्दैवाने, हेलिकॉप्टरमधील सर्व लोकांचा मृत्यू झाल्याची शंका आहे," असे अधिकाऱ्याने रॉयटर्सला सांगितले.
सोमवारी पहाटे पूर्व अझरबैजान प्रांतातील डोंगराळ भागात कोसळलेल्या हेलिकॉप्टरच्या अवशेषापर्यंत पोहोचण्यासाठी बचाव पथकांनी रात्रभर हिमवादळातून मार्ग काढला. हेलिकॉप्टर कोसळल्यानंतर सुमारे १७ तासांनी बचाव पथके अपघातस्थळी पोहोचू शकली.
हे वाचलं का?
