कारची एवढी भयंकर धडक की पतीचा जागीच मृत्यू, पत्नीही जखमी.. अंगावर काटा आणणारी दृश्य CCTV मध्ये कैद
मुंबईच्या खार पश्चिम भागात भरधाव कारने मोटरसायकलला मागून धडक दिल्याने 41 वर्षीय व्यक्तीचा मृत्यू झाला असून त्यांची पत्नी जखमी झाली आहे. या प्रकरणी पोलिसांनी विविध कलमांनुसार गुन्हा दाखल केला आहे.
ADVERTISEMENT
मुंबई: मुंबईतील खार पश्चिम परिसरात भरधाव कारने दुचाकीला दिलेल्या जोरदार धडकेत 41 वर्षीय दुचाकीस्वाराचा मृत्यू झाला असून त्यांची पत्नी जखमी झाली आहे. याच अपघातात एका स्कूटीस्वारालाही दुखापत झाली असून त्याच्या हाताला फ्रॅक्चर झाल्याची माहिती आहे. 28 सप्टेंबर 2026 रोजी सायंकाळी सी.डी. रोड आणि 16व्या रोड जंक्शन परिसरात हा अपघात झाला.
खार पोलीस ठाण्यात दाखल करण्यात आलेल्या तक्रारीनुसार, इयप्पन सेल्वराज (41) हे पत्नी नॅन्सी इयप्पन (37) यांच्यासोबत मोटरसायकलवरून वांद्रेच्या दिशेने जात होते. त्यांची मोटरसायकल क्रमांक MH-02-FZ-1444 असल्याचे तक्रारीत नमूद करण्यात आले आहे.
मागून कारने दिली जोरदार धडक
सायंकाळी सुमारे 4.15 ते 4.30 वाजण्याच्या दरम्यान त्यांच्या मोटरसायकलला मागून आलेल्या पांढऱ्या रंगाच्या कारने जोरदार धडक दिल्याचा आरोप आहे. कारचा क्रमांक MH-01-ER-2822 असून, धडकेनंतर नॅन्सी रस्त्यावर पडल्या, तर त्यांचे पती इयप्पन हे कारखाली अडकल्याचे तक्रारीत म्हटले आहे.
हे ही वाचा>> मुंबई : सार्वजनिक शौचालयात घडलं भयंकर, दोन तरुणांचा मृत्यू, 'तो' वायू नेमका आला कुठून?
इयप्पन यांनी हेल्मेट घातले होते, अशीही माहिती तक्रारीत देण्यात आली आहे. अपघातानंतर परिसरातील नागरिकांनी मदतीसाठी धाव घेत कार उचलून इयप्पन यांना बाहेर काढले.