Lalbaugcha Raja 2026: आता अवघ्या काही तासात लालबागच्या राजाची पहिली झलक; किती वाजता होणार प्रथम दर्शन?
लालबागचा राजा सार्वजनिक गणेशोत्सव मंडळाचा यंदाचा गणेशोत्सव 93व्या वर्षात प्रवेश करत आहे. 14 सप्टेंबरपासून सुरू होणाऱ्या गणेशोत्सवापूर्वी आज 11 सप्टेंबर रोजी संध्याकाळी 7 वाजता लालबाग मार्केटमध्ये ‘लालबागचा राजा 2026’चे प्रथम दर्शन घडणार आहे.
ADVERTISEMENT
Lalbaugcha Raja First Darshan: मुंबई: मुंबईतील लाखो गणेशभक्तांचे श्रद्धास्थान असलेल्या लालबागचा राजा सार्वजनिक गणेशोत्सव मंडळाचा यंदाचा गणेशोत्सव 93व्या वर्षात प्रवेश करत आहे. यंदाचा भाद्रपद गणेशोत्सव सोमवार, 14 सप्टेंबर ते शुक्रवार, 25 सप्टेंबर 2026 या कालावधीत मोठ्या जल्लोषात साजरा करण्यात येणार आहे.
गणेशोत्सवाला सुरुवात होण्यापूर्वीच लालबागच्या राजाचे प्रथम दर्शन घडणार आहे. शुक्रवार, 11 सप्टेंबर 2026 रोजी संध्याकाळी ठीक 7 वाजता लालबाग मार्केटमध्ये ‘लालबागचा राजा 2026’चे प्रथम दर्शन घडविण्यात येणार आहे. यावेळी सर्व मीडिया प्रतिनिधींसाठी लालबागच्या राजाचे फोटोसेशन आयोजित करण्यात आले आहे.
14 सप्टेंबरपासून गणेशोत्सवाला सुरुवात
यंदाचा लालबागचा राजा सार्वजनिक गणेशोत्सव मंडळाचा भाद्रपद गणेशोत्सव 14 सप्टेंबर ते 25 सप्टेंबर 2026 या कालावधीत साजरा होणार आहे. गणेशोत्सवाच्या पार्श्वभूमीवर आज होणाऱ्या प्रथम दर्शनाकडे गणेशभक्तांसोबतच मीडिया प्रतिनिधींचेही लक्ष लागले आहे.