उकळत्या कढईत पडून 25 वर्षीय मजुराचा मृत्यू, युपीच्या कामगाराचा महाराष्ट्रात दुर्दैवी अंत

maharashtra jaggery factory boiling jaggery cauldron migrant worker : महाराष्ट्रातील एका गूळ कारखान्यात उकळत्या गुळाच्या कढईत पडून उत्तर प्रदेशातील 25 वर्षीय स्थलांतरित मजुराचा मृत्यू झाला. दानिश असे मृत तरुणाचे नाव असून, या घटनेचा व्हिडीओ सोशल मीडियावर व्हायरल झाला आहे. व्हिडीओमध्ये दानिशला वाचवण्यासाठी त्याचे सहकारी मजूर प्रयत्न करताना दिसत आहेत. 21 ऑगस्ट रोजी ही घटना घडली. दानिश हा उत्तर प्रदेशातील लखीमपूर खेरी जिल्ह्यातील रहिवासी होता. रोजगाराच्या शोधात तो आपल्या 15 मित्रांसह महाराष्ट्रात आला होता. त्यानंतर त्याने एका गूळ कारखान्यात काम स्वीकारले होते.