Monsoon Update: 10 जिल्ह्यांमध्ये तुफान पाऊस बरसणार.. मान्सूनची दमदार हजेरी, थोड्याच वेळात कोसळधार!
Maharashtra Weather: ५ जून रोजी राज्यातील अनेक भागांत पावसाचा अंदाज हवामान खात्याने वर्तवला आहे. जाणून घ्या हवामान खात्याने कोणकोणत्या जिल्ह्यांमध्ये पावसाचा अंदाज वर्तवला आहे.
ADVERTISEMENT
मुंबई : महाराष्ट्रात नैऋत्य मान्सूनच्या प्रगतीला वेग आला असून ५ जून रोजी राज्यातील अनेक भागांत पावसाची शक्यता हवामान विभागाने व्यक्त केली आहे. विशेषतः कोकण, मुंबई महानगर प्रदेश, घाटमाथा तसेच मध्य महाराष्ट्रातील काही जिल्ह्यांमध्ये मेघगर्जनेसह हलका ते मध्यम पाऊस पडण्याचा अंदाज आहे. मान्सून मुंबईत ५ ते ६ जूनदरम्यान दाखल होण्याची शक्यता यापूर्वीच भारतीय हवामान विभागाने (IMD) वर्तवली होती.
मुंबई, ठाणे आणि कोकणात पावसाची शक्यता
मुंबई आणि उपनगरांमध्ये दिवसभर ढगाळ वातावरण राहण्याचा अंदाज असून काही ठिकाणी मेघगर्जनेसह पावसाच्या सरी कोसळू शकतात. समुद्रकिनारी भागांत वाऱ्याचा वेग वाढण्याची शक्यता असल्याने मच्छीमारांनी सावधगिरी बाळगण्याचे आवाहन करण्यात आले आहे. हवामानातील आर्द्रता वाढल्याने उकाडाही जाणवू शकतो.
मध्य महाराष्ट्रात वादळी पावसाचा अंदाज
