मुंबईची खबर : BMC चे 'पादचारी प्रथम' अभियान किती यशस्वी? आयुक्तांनी थेट आकडेवारीच सांगितली

बीएमसीने पादचारी प्रथम या मोहिमेअंतर्गत फुटपाथवरील अतिक्रमणांविरोधात जोरदार मोहीम राबवली. यामध्ये 399 पदपथांवरील अतिक्रमणे यशस्वीपणे हटवण्यात आली आहेत.

Mumbai News

मुंबई तक

19 Oct 2026 (अपडेटेड: 19 Oct 2026, 03:17 PM)

▌

बातम्या हायलाइट

पादचारी प्रथम अभियान

बीएमसीची अतिक्रमणांविरोधात धडक कारवाई

Mumbai News : मुंबईत पादचाऱ्यांसाठी सुरक्षित आणि अडथळाविरहित मार्ग उपलब्ध करून देण्यासाठी BMC ने ‘पादचारी प्रथम’ अभियान हाती घेतले आहे. या अभियानाच्या पहिल्या टप्प्यात शहरातील 26 प्रशासकीय विभागांतील 399 पदपथांवरील अतिक्रमणे यशस्वीपणे हटविण्यात आली आहेत. या कारवाईमुळे तब्बल 500 किलोमीटर लांबीचे रस्ते पादचाऱ्यांसाठी खुले झाले आहेत. आतापर्यंत 2,803 अतिक्रमणे आणि फेरीवाले हटवण्यात आले आहेत. प्रामुख्याने रुग्णालये, शाळा-महाविद्यालये, रेल्वे व बस स्थानक परिसरासह विविध सार्वजनिक ठिकाणांचा या मोहिमेत समावेश असल्याची माहिती महानगरपालिका आयुक्त श्रीमती अश्विनी भिडे यांनी दिली आहे.

52 हजार 448 बॅनर, फ्लेक्स आणि पोस्टर्स हटवले

महानगरपालिका आयुक्त अश्विनी भिडे यांनी याविषयी माहिती दिली आहे. त्यानुसार आतापर्यंत 2,803 अतिक्रमणे आणि फेरीवाले हटवण्यात आले आहेत. प्रामुख्याने रुग्णालये, शाळा-महाविद्यालये, रेल्वे व बस स्थानक परिसरासह विविध सार्वजनिक ठिकाणांचा या मोहिमेत समावेश आहे. BMC ने पादचाऱ्यांच्या सुविधेसोबतच शहराचे विद्रूपीकरण रोखण्यासाठी आणि सार्वजनिक ठिकाणी अनधिकृत जाहिरात फलक लावण्याच्या प्रकारांना आळा घालण्यासाठी एक व्यापक मोहीम सुरू केली आहे. या मोहिमेअंतर्गत मागील काही दिवसांत तब्बल 52 हजार 448 बॅनर, फ्लेक्स आणि पोस्टर्स हटवण्यात आले आहेत.

हे ही वाचा : टायगर श्रॉफवर गोळ्या झाडणारे तिघे 15 मिनिटात कसे सापडले?, पोलिसांनी दिल्ली धक्कादायक माहिती

अनधिकृत जाहिरात साहित्य जप्त

याशिवाय, 8 ते 16 ऑक्टोबर 2026 या नऊ दिवसांच्या कालावधीत राबविण्यात आलेल्या विशेष मोहिमेत संपूर्ण मुंबईतून 3,537 अनधिकृत जाहिरात साहित्य जप्त करण्यात आले आहे. महापालिकेच्या या धडक कारवाईमुळे पादचाऱ्यांचा प्रवास सुकर होण्यासोबतच मुंबईचे सौंदर्य टिकवून ठेवण्यास मोठी मदत होत आहे.

🔷पदपथ हे केवळ पादचाऱ्यांच्या सुरक्षित आणि सुलभ प्रवासासाठी आहेत. त्यामुळे पदपथांवर दुकाने, स्टॉल्स उभारणे किंवा विविध प्रकारचे साहित्य ठेवून पादचाऱ्यांच्या मार्गात अडथळे निर्माण करणे खपवून घेतले जाणार नाही. अतिक्रमण करणाऱ्यांविरुद्ध कठोर कारवाई सुरूच ठेवावी, असे निर्देश महानगरपालिका आयुक्‍त श्रीमती अश्विनी भिडे यांनी दिले. 🔷बृहन्मुंबई महानगरपालिकेच्या विविध विभागांची मासिक आढावा बैठक वरळी येथील कमांड अँड कंट्रोल सेंटर येथे पार पडली. त्‍यावेळी त्‍यांनी निर्देश दिले. 🔷‘पादचारी प्रथम’ (Pedestrian First) अभियानाच्या पहिल्या टप्प्यात मुंबईतील २६ प्रशासकीय विभागांतील ३९९ पदपथांवरील अतिक्रमणे हटविण्यात आली आहेत. या कारवाईमुळे तब्बल ५०० किलोमीटर लांबीचे रस्ते पादचाऱ्यांसाठी अडथळामुक्त करण्यात आले आहेत. आतापर्यंत २,८०३ अतिक्रमणे / फेरीवाले हटवण्‍याची कार्यवाही करण्यात आली आहे. त्‍यात प्रामुख्‍याने रूग्‍णालये, शाळा - महाविद्यालये, रेल्‍वे - बस स्‍थानके यांसह सार्वजनिक ठिकाणांचा समावेश असल्‍याचे श्रीमती भिडे यांनी नमूद केले. 🔷मुंबई महानगराचे विद्रूपीकरण रोखण्यासाठी आणि सार्वजनिक ठिकाणी अनधिकृत जाहिरात फलक लावण्याच्या प्रकारांना आळा घालण्यासाठी बृहन्मुंबई महानगरपालिकेने व्यापक मोहीम हाती घेतली आहे. या मोहिमेंतर्गत मागील काही दिवसात ५२ हजार ४४८ बॅनर, फ्लेक्स, पोस्टर्स काढण्‍यात आले आहेत. तर, दिनांक ८ ते १६ ऑक्‍टोबर २०२६ या ९ दिवसात राबविण्‍यात आलेल्‍या विशेष मोहिमेत संपूर्ण मुंबईतून ३,५३७ अनधिकृत जाहिरात साहित्य जप्त करण्यात आले. अनधिकृत जाहिराती लावून नियमांचे उल्लंघन करणाऱ्यांविरोधातही कठोर भूमिका घ्‍यावी. अनधिकृत जाहिरात फलकांविरोधात धडक मोहीम सुरूच ठेवावी, असे निर्देश श्रीमती अश्विनी भिडे यांनी दिले. 🔷या बैठकीत वायू प्रदूषण, वायू गुणवत्‍ता निर्देशांक, वायू प्रदूषणास आळा घालण्‍यासाठी तयार केलेल्‍या मानक कार्य प्रणालीची (SOP) प्रभावीपणे अंमलबजावणी करणे, यांसह दिनांक १ डिसेंबर २०२६ पासून ई ऑफीस प्रणाली लागू करणे या विषयांचा सविस्‍तर आढावा घेण्‍यात आला. 🔷अतिरिक्त महानगरपालिका आयुक्त (पश्चिम उपनगरे) डॉ. विपिन शर्मा, अतिरिक्त महानगरपालिका आयुक्त (प्रकल्प) श्री. अभिजीत बांगर, अतिरिक्त महानगरपालिका आयुक्त (पूर्व उपनगरे) डॉ. अविनाश ढाकणे, सह आयुक्त (दक्षता) डॉ. एम. देवेंदर सिंह, उप आयुक्‍त (आयुक्‍त कार्यालय) श्री. प्रशांत गायकवाड यावेळी उपस्थित होते. तसेच, सर्व सह आयुक्त, उप आयुक्त, सहायक आयुक्त, खाते प्रमुख यांचीदेखील या बैठकीस उपस्थिती होती. #mybmcupdates @CMOMaharashtra @mieknathshinde @SunetraA_Pawar @ShelarAshish @MPLodha @TawdeRitu @misanjayghadi
— माझी Mumbai, आपली BMC (@mybmc) October 17, 2026

हे ही वाचा : टायगर श्रॉफवर गोळीबार, 15 तासांत शुटर कोटा येथे कसे पोहोचले?

फुटपाथवर सुरक्षित चालणे हा मूलभूत हक्क

फुटपाथवर सुरक्षितपणे चालणे हा नागरिकांचा मूलभूत हक्क असल्याचे सर्वोच्च न्यायालयाने जून 2026 मध्ये दिलेल्या ऐतिहासिक निर्णयात स्पष्ट केले आहे. हा अधिकार भारतीय संविधानाच्या अनुच्छेद 21 म्हणजेच जीवनाचा अधिकार आणि अनुच्छेद 19 म्हणजेच मुक्तपणे फिरण्याचा अधिकार यांच्या अंतर्गत येतो. रस्त्यांवर वाहनांपेक्षा पादचाऱ्यांच्या सुरक्षेला व हक्कांना प्राधान्य देणे अत्यंत आवश्यक असून, पादचाऱ्यांसाठी सुरक्षित फुटपाथ उपलब्ध करून देणे हे स्थानिक प्रशासनाचे कायदेशीर कर्तव्य आहे.