CSMT इथून जाणारी विशेष रेल्वे

या विशेष गाड्यांमध्ये छत्रपती शिवाजी महाराज टर्मिनस (CSMT) - सावंतवाडी रोड दैनिक विशेष गाडीचा समावेश आहे. 11 सप्टेंबर 2026 ते 27 सप्टेंबर 2026 या कालावधीत ही विशेष गाडी धावणार आहे.  ही गाडी CSMT येथून मध्यरात्री 12:25 वाजता सुटून त्याच दिवशी दुपारी 2:20 वाजता सावंतवाडी रोड येथे पोहोचेल, तर परतीच्या प्रवासासाठी गाडी सावंतवाडी रोड येथून दुपारी 3:35 वाजता सुटून दुसऱ्या दिवशी पहाटे 4:35 वाजता CSMT येथे पोहोचेल. 

हे ही वाचा : 16 वर्षीय मुलीचा मृतदेह कबरीतून काढला बाहेर, कुटुंबीयांना ऑनर किलिंगचा संशय

लोकमान्य टिळक टर्मिनस इथून जाणारी विशेष रेल्वे

तसेच, लोकमान्य टिळक टर्मिनस (LTT) - सावंतवाडी रोड दैनिक विशेष गाडी सकाळी 8:20 वाजता सुटून त्याच दिवशी रात्री 9 वाजता सावंतवाडी रोड येथे पोहोचेल, तर सावंतवाडी रोड येथून रात्री 10:35 वाजता सुटून दुसऱ्या दिवशी सकाळी 11:25 वाजता LTT येथे पोहोचेल. ही विशेष गाडी 11 सप्टेंबर 2026 ते 27 सप्टेंबर 2026 या कालावधीत धावेल.

याशिवाय, LTT - सावंतवाडी रोड द्वि-साप्ताहिक विशेष गाडी 17 सप्टेंबर 2026 ते 27 सप्टेंबर 2026 दरम्यान धावणार आहे. ही गाडी दर गुरुवारी आणि रविवारी धावेल. सकाळी 8:45 वाजता सुटून रात्री 10:10 वाजता सावंतवाडी रोड येथे पोहोचेल, तर येथून रात्री 11:20 वाजता सुटून दुसऱ्या दिवशी सकाळी 11:45 वाजता ही गाडी LTT येथे पोहोचेल.