नागपूर : नवऱ्याला घटस्फोट दिला, अन् दुसऱ्याच दिवशी महिलेची हत्या, नेमकं काय घडलं?
nagpur crime news : नागपुरच्या कामठी परिसरात 40 वर्षीय महिलेची धारदार शस्त्राने निर्घृण हत्या करण्यात आली. घटनेनंतर पतीवर संशय व्यक्त करण्यात आला असून तो सध्या फरार आहे.
ADVERTISEMENT
बातम्या हायलाइट
नागपूर : नवऱ्याला घटस्फोट दिला,
अन् दुसऱ्याच दिवशी महिलेची हत्या, नेमकं काय घडलं?
nagpur crime news : नागपूर शहरातील कामठी परिसरात शुक्रवारी सायंकाळी 40 वर्षीय महिलेची धारदार शस्त्राने निर्घृण हत्या करण्यात आल्याची धक्कादायक घटना घडली. या घटनेमुळे परिसरात भीतीचे वातावरण निर्माण झाले असून पोलिसांनी प्राथमिक तपासात या हत्येमागे कौटुंबिक वादाचे कारण असण्याची शक्यता व्यक्त केली आहे. या प्रकरणात मृत महिलेच्या पतीवर संशय व्यक्त करण्यात आला असून घटना घडल्यानंतर तो फरार झाला आहे. मृत महिलेची ओळख मंजू राजकुमार पारसे (वय 40, रा. पुलगाव, पाचखेड) अशी झाली आहे. ही घटना जुनी कामठी पोलीस ठाण्याच्या हद्दीतील हिरणवार गल्लीतील शुक्रवार बाजारजवळच्या दरोगा मशिदीजवळ घडली.
हेही वाचा : गर्लफ्रेंडच्या भावाला बॉयफ्रेंडने 40 अश्लील फोटो-व्हिडीओ पाठवले, सकाळी दोघांची बॉडी सापडली
प्रत्यक्षदर्शींनी दिलेल्या माहितीनुसार, महिलेवर धारदार शस्त्राने अनेक वार करण्यात आले. या हल्ल्यात तिच्या छातीला गंभीर दुखापत झाली आणि घटनास्थळीच तिचा मृत्यू झाला. घटनेची माहिती मिळताच पोलिसांनी घटनास्थळी धाव घेत पंचनामा केला. त्यानंतर मृतदेह शवविच्छेदनासाठी पाठविण्यात आला. या हत्येमुळे परिसरात मोठी खळबळ उडाली असून नागरिकांमध्ये भीतीचे वातावरण निर्माण झाले आहे.
हेही वाचा : उद्धव ठाकरेंनी भर सभेत 'मुंबई Tak' चा व्हिडीओ दाखवला, म्हणाले,"आईची शपथ घेऊन गद्दारी"
