नालासोपाऱ्यात 'लिव्ह इन'मध्ये राहाणाऱ्या जोडप्याची चौथ्या मजल्यावरुन उडी मारुन आत्महत्या
Nalasopara Crime : नालासोपाऱ्यात 'लिव्ह इन'मध्ये राहाणाऱ्या जोडप्याची चौथ्या मजल्यावरुन उडी मारुन आत्महत्या केली.
ADVERTISEMENT
बातम्या हायलाइट
नालासोपाऱ्यात 'लिव्ह इन'मध्ये राहात असलेल्या प्रेमी युगुलाचा टोकाचा निर्णय
जोडप्याची चौथ्या मजल्यावरुन उडी मारुन आत्महत्या
Nalasopara Crime : वसईतील नालासोपाऱ्यात रविवारी (दि.2) मध्यरात्री एक धक्कादायक प्रकार समोर आलाय. ‘लिव्ह इन रिलेशन’मध्ये राहणाऱ्या जोडप्याने इमारतीच्या चौथ्या मजल्यावरून उडी मारत जीवन संपवले. या दुर्दैवी घटनेत दीपक जोगडिया (35) आणि कांचन सोळंकी (35) या दोघांचा मृत्यू झाला असून त्यांच्या आत्महत्येचे नेमके कारण अद्याप समोर आलेले नाही. अचानक घेतलेल्या या टोकाच्या निर्णयामुळे परिसरात मोठी खळबळ उडाली आहे.
नालासोपारा पश्चिमेतील हनुमान नगर परिसरात असलेल्या ‘साई महिमा’ या इमारतीतील खोली क्रमांक 401 मध्ये हे दोघे 2022 पासून एकत्र राहत होते. दीपक जोगडिया हा विवाहित असून त्याला बारा वर्षांचा मुलगाही आहे. मात्र वैवाहिक नात्यात गंभीर वाद निर्माण झाल्याने तो पत्नीपासून वेगळा राहू लागला आणि कांचनसोबत लिव्ह-इनमध्ये राहत होता. दोघांचे आपसातील संबंध स्थिर असल्याचे शेजाऱ्यांनी सांगितले, मात्र आत्महत्येच्या थोड्याच वेळ आधी काही वाद झाला होता का, हे स्पष्ट होऊ शकलेले नाही.
हेही वाचा : पार्थ पवार आणि सुनेत्रा पवारांनंतर आता अजितदादांचे दुसरे पुत्रही निवडणुकीच्या रिंगणात उतरणार? कुठून लढणार?
रविवारी रात्री अंदाजे मध्यरात्रीच्या सुमारास या दोघांनी अचानक चौथ्या मजल्यावरून उडी घेतली. आवाज ऐकून इमारतीतील रहिवासी बाहेर आले आणि त्यांनी तातडीने दोघांना जवळच्या रुग्णालयात हलवले. मात्र डॉक्टरांनी तपासणी केल्यानंतर दोघांनाही मृत घोषित केले. अचानक घेतलेल्या या निर्णयामुळे त्यांच्या कुटुंबीयांवर तसेच नातेवाईकांवर शोककळा पसरली आहे.
हे वाचलं का?
