Govt Job: पदवीधरांसाठी खुशखबर! 'या' बँकेत तब्बल 3,500 पदांसाठी भरती... कधीपर्यंत कराल अप्लाय?
कॅनरा बँकेकडून ग्रॅज्युएट अप्रेन्टिस पदांसाठी भरतीचं नोटिफिकेशन जाहीर करण्यात आलं आहे. यासाठी इच्छुक आणि पात्र उमेदवार 12 ऑक्टोबर 2025 पर्यंत अर्ज करू शकतात.
ADVERTISEMENT
बातम्या हायलाइट
पदवीधर तरुणांसाठी बँकेत नोकरीची सुवर्णसंधी
'या' बँकेत तब्बल 3,500 पदांसाठी भरती...
काय आहे अर्ज करण्याची शेवटची तारीख?
Govt Job: ग्रॅज्युएशनची डिग्री प्राप्त करून सरकारी नोकरीच्या प्रयत्नात असलेल्या तरुणांसाठी नव्या भरतीची बातमी समोर आली आहे. कॅनरा बँकेकडून ग्रॅज्युएट अप्रेन्टिस पदांसाठी भरतीचं नोटिफिकेशन जाहीर करण्यात आलं आहे. यासाठी इच्छुक आणि पात्र उमेदवार 12 ऑक्टोबर 2025 पर्यंत अर्ज करू शकतात. या भरतीमध्ये सहभागी होण्यासाठी 23 सप्टेंबर पासूनच अर्जाची प्रक्रिया सुरू करण्यात आली असून उमेदवारांना अर्ज करण्यासाठी canarabank.bank.in या बँकेच्या अधिकृत वेबसाइटला भेट द्यावी लागेल.
या भरतीच्या माध्यमातून बँकेत अप्रेन्टिसशिपच्या एकूण 3500 पदांवर भरती केली जाणार आहे. देशातील विविध राज्य आणि केंद्रशासित प्रदेशातून उमेदवार या भरतीसाठी अर्ज करू शकतात. त्यामुळे अर्ज करण्याच्या प्रक्रियेच्या शेवटच्या तारखेआधीच उमेदवारांना लवकरात लवकर अर्ज करण्याचं आवाहन करण्यात आलं आहे.
शैक्षणिक पात्रता
या भरतीमध्ये सहभागी होण्यासाठी उमेदवारांकडे कोणत्याही मान्यताप्राप्त विद्यापीठातून कोणत्याही स्ट्रीममध्ये ग्रॅज्युएशनची डिग्री असणं आवश्यक आहे. अधिकृत नोटिफिकेशननुसार, उमेदवारांनी 01/01/2022 ते 01/09/2025 या तारखांदरम्यान, पदवी उत्तीर्ण असणं अनिवार्य आहे.
वयोमर्यादा
तसेच, भरतीमध्ये अर्ज करण्यासाठी उमेदवाराचं किमान वय 20 वर्षे आणि कमाल वय 28 वर्षे असणं गरजेचं आहे. यासोबतच, उमेदवाराचा जन्म 01/09/1997 च्या पूर्वी आणि 01/09/2005 च्या नंतर झालेला नसावा. याशिवाय,स सरकारी नियमांनुसार, राखीव प्रवर्गातील उमेदवारांना उच्च वयोमर्यादेत सूट देण्यात येईल.
हे वाचलं का?
