Govt Job: कोणत्याही परीक्षेशिवाय थेट भारत सरकारच्या कंपनीत नोकरी... कधीपर्यंत कराल अर्ज?

या पदांवर नियुक्त होण्यासाठी उमेदवारांना कोणत्याच प्रकारची परीक्षा द्यावी लागणार नाही. फक्त, पर्सनल इंटरव्ह्यू म्हणजेच मुलाखतीच्या माध्यमातूनच उमेदवारांची निवड केली जाईल. हिंदुस्तान कॉपर लिमिटेडच्या या भरतीमध्ये, उमेदवारांना ऑफलाइन अर्ज करण्यासाठी शेवटची तारीख 13 जानेवारी 2026 निश्चित करण्यात आली आहे. 

हे ही वाचा: छत्रपती संभाजीनगर: सिगारेटचे चटके अन् गळा चिरून मित्राचाच निर्घृण खून! हत्येपूर्वी, मृताच्या आईला फोनवर धमकी...

काय आहे पात्रता? 

भरतीमध्ये सहभागी होण्यासाठी प्रवर्गानुसार, उमेदवारांसाठी शैक्षणिक पात्रता निश्चित करण्यात आली आहे. सीनिअर सब्जेक्ट मायनिंग पदासाठी उमेदवारांकडे ग्रॅज्युएट लेव्हल बीटेक (B.Tech)/ मायनिंग इंजीनिअरिंगची डिग्री असणं आवश्यक आहे. एनव्हायरमेंट सीनिअर सब्जेक्ट एक्सपर्ट पदासाठी इंजीनिअरिंग/ टेक्नॉलॉजी विषयात पोस्ट ग्रॅज्युएशनची डिग्री असणं गरजेचं आहे. तसेच, मायनिंग सब्जेक्ट एक्सपर्ट पदासाठी मायनिंग इंजीनिअरिंग क्षेत्रात बीटेक (B.Tech) डिग्री  आणि त्यासोबतच, पदांनुसार संबंधित क्षेत्रात कार्याचा अनुभव देखील ग्राह्य धरला जाणार आहे. 

हे ही वाचा: परभणी : 36 वर्षीय इंजिनिअरला कार चालवताना ह्रदय विकाराचा झटका, गाडी रस्त्याच्या कडेला घेतली, पण व्हायचं तेच झालं

किती मिळेल वेतन? 

या पदांसाठी निश्चित मासिक वेतन नसून उमेदवारांना कंपनीला त्यांच्या व्हिजिट्स म्हणजेच भेटीनुसार पैसे दिले जातील. वरिष्ठ विषय तज्ञ, सहयोगी विषय तज्ञ आणि सहाय्यक विषय तज्ञांना दरमहा 16 व्हिजिट्स असतील. पदानुसार प्रत्येक व्हिजिटसाठी 3,500 रुपये ते 6,250 रुपये दिले जातील. याचा अर्थ मासिक पगार जास्तीत जास्त 1 लाख रुपयांपर्यंत पोहोचेल. यासोबतच, हॉटेल, रेल्वे आणि दैनंदिन वेतन यासारख्या सुविधा देखील उपलब्ध असतील. MBB पदवी असलेल्या वैद्यकीय व्यावसायिकांना प्रति व्हिजिट 3,500 रुपये मिळतील, तर MD/MS ची पदवी असलेल्यांना 4,750 रुपये मिळतील. याशिवाय, दररोज 800 रुपये वेगळा महागाई भत्ता दिला जाईल.