Govt Job: 'या' तरुणांना भारतीय सैन्यात थेट भरती होण्याची संधी! केवळ मुलाखत अन्... काय आहे पात्रता?
भारतीय सैन्यात 10+2 टेक्निकल एन्ट्री स्कीम (TES)-55 पदांसाठी भरती जाहीर करण्यात आली आहे.
ADVERTISEMENT
बातम्या हायलाइट
'या' तरुणांना भारतीय सैन्यात थेट भरती होण्याची संधी!
केवळ मुलाखत अन्... काय आहे पात्रता?
Indian Army Recruitment 2025: कोणत्याही परीक्षेशिवाय भारतीय सैन्यात सहभागी होण्याची चांगली संधी उपलब्ध झाली आहे. भारतीय सैन्यात 10+2 टेक्निकल एन्ट्री स्कीम (TES)-55 पदांसाठी भरती जाहीर करण्यात आली आहे. जुलै 2026 पासून सुरू होणाऱ्या या कोर्ससाठी 12 वी उत्तीर्ण उमेदवार अर्ज करू शकतात. आता या भरतीसाठी फॉर्म भरण्यासाठी काहीच दिवस शिल्लक आहेत. अशातच, उमेदवार 13 नोव्हेंबर 2025 पर्यंत www.joinindianarmy.nic.in या इंडियन आर्मीच्या अधिकृत वेबसाइटवर जाऊन अर्ज करू शकतात.
शैक्षणिक पात्रता
या एन्ट्रीसाठी कोणत्याही मान्यताप्राप्त बोर्डातून फीजिक्स (भौतिकशास्त्र), केमिस्ट्री (रसायनशास्त्र) आणि मॅथेमेटिक्स (गणित) या विषयांत किमान 60 गुणांसह 12 वी उत्तीर्ण असलेले उमेदवार या भरतीसाठी अर्ज करू शकतात. याव्यतिरिक्त, उमेदवारांनी JEE (Mains) परीक्षेत सहभागी होणं आवश्यक आहे.
वयोमर्यादा
या भरतीमध्ये सहभागी होण्यासाठी उमेदवारांचं वय 16.5 वर्षे ते 19.5 वर्षे दरम्यान असलं पाहिजे. 1 जुलै 2026 ही तारीख लक्षात घेऊन उमेदवारांच्या वयाची गणना केली जाईल.
ट्रेनिंगचा कालावधी: 4 वर्षे (3+1)
वेतन: ट्रेनिंग दरम्यान, 56100 रुपये आणि कमीशनिंग नंतर - 17 ते 18 लाख रुपये वर्षिक
हे वाचलं का?
