Sambhaji Bhide: गांधी, फुले ते साईबाबा, भिडेंनी कुणालाच सोडलेलं नाही, तरीही…
संभाजी भिडेंच्या विरोधात रान पेटलं असताना त्यांच्या समर्थनार्थ देखील आंदोलनं होताना दिसत आहेत. जाणून घ्या संभाजी भिडेंविषयी सविस्तरपणे.
ADVERTISEMENT
Sambhaji Bhide Controversy : निलेश झालटे, मुंबई: संभाजी भिडे हे नाव कुणाला माहिती नसेल तर नवलच. कुणी त्यांना संभाजी भिडे म्हणतं, कुणी भिडे गुरुजी, कुणी मनोहर भिडे तर कुणी मनोहर कुलकर्णी असंही. 85 वर्षांहून जास्त वयाचे असलेले भिडे सांगलीत राहून राज्यभरात वातावरण निर्मिती करण्यात आघाडीवर असतात. ही वातावरण निर्मिती पॉझिटीव्ह होते की निगेटिव्ह हे आपल्याला सध्या उमटत असलेल्या प्रतिक्रियांवरुन लक्षात येत असेल. एकीकडे संभाजी भिडेंच्या विरोधात रान पेटलं असताना त्यांच्या समर्थनार्थ देखील आंदोलनं होताना दिसत आहेत. अगदी ठळकपणे वादग्रस्त वक्तव्य करणाऱ्या भिडेंना अटक करण्याची मागणी आता होतेय. (sambhaji bhide criticized mahatama gandhi mahatama phule saibaba but he gave still support)
भिडे आता चर्चेत आहेत ते महात्मा गांधी,महात्मा फुले आणि साईबाबांच्यासंदर्भात केलेल्या वादग्रस्त वक्तव्यांमुळं. भाजपसह सर्वच पक्षांचे नेते भिडेंचा निषेध करत आहेत. तसं तर वादग्रस्त वक्तव्य आणि भिडे यांचं कनेक्शन जुनं आहे. हेच कनेक्शन आपण जाणून घेणार आहोत.
जाणून घ्या संभाजी भिडेंविषयी
श्री शिवप्रतिष्ठान हिंदुस्थान या भिडेंच्या संघटनेने छत्रपती शिवाजी महाराजांच्या स्वराज्याची राजधानी असलेल्या रायगड या किल्ल्यावर ३२ मण वजनाच्या सोन्याचं सिंहासन बसवण्याचा संकल्प केलाय. त्यांचं मूळ नाव सातारा जिल्ह्यातील सबनीसवाडी. १९८० च्या दशकात संभाजी भिडे राष्ट्रीय स्वयंसेवक संघात कार्यरत होते. मात्र पुढे त्यांनी संघापासून फारकत घेतली. ‘श्री शिवप्रतिष्ठान हिंदुस्थान’ ही संघटना स्थापन केली. छत्रपती शिवाजी महाराज आणि छत्रपती संभाजी महाराज यांचा इतिहास संभाजी भिडे सांगत असतात. त्यांना त्यांचे धारकरी भिडे गुरुजी असं संबोधतात.
आता आपण संभाजी भिडे यांनी केलेल्या वादग्रस्त वक्तव्यांबाबत जाणून घेऊयात… ही वादग्रस्त वक्तव्य सांगताना आम्हाला काही ठिकाणी नैतिकता पाळत आवाज बीप करावा लागणार आहे, हे आधीच स्पष्ट करतो. भिडेंच्या ताज्या वादग्रस्त वक्तव्यांनी याची सुरुवात करुयात…
हे वाचलं का?
