Mihir Shah : पोलिसांना गुंगारा देणारा मिहीर शाह कुठे लपला होता?
Mihir Shah Worli Accident : वरळीतील हिट अँड रन प्रकरणातील आरोपी मिहीर शाह याला पोलिसांनी अखेर बेड्या ठोकल्या. मागील तीन दिवसांपासून पोलीस त्याचा शोध घेत होते.
ADVERTISEMENT
बातम्या हायलाइट
वरळी हिट अँड रन प्रकरणातील आरोपीला अटक
मिहीर शाह ठाणे जिल्ह्यात लपून बसला होता
मिहीर शाहच्या आईसह दोन्ही बहिणींनाही अटक
Mihir Shah Arrested : वरळी हिट अँड रन प्रकरणातील प्रमुख आरोपी मिहीर शाह याच्या मुसक्या आवळण्यात अखेर मुंबई पोलिसांना यश आले. ७ जुलैच्या पहाटेपासून फरार असलेला मिहीर शाहला ९ जुलै रोजी अटक करण्यात आली. मिहीर शाह, आई, बहीण आणि मित्रांसह कुठे लपला होता, याची माहिती समोर आली आहे. (where was hide Worli hit and run accused Mihir shah)
वरळीतील अटरिया मॉलजवळ ७ जुलै रोजी पहाटे ५.३० वाजता हिट अँड रनची घटना घडली होती. कावेरी नाखवा या महिलेचा यात मृत्यू झाला. महिलेला वांद्रे वरळी सी लिंकपर्यंत फरफटत नेल्यानंतर मिहीर शाह हा फरार झाला होता.
Mihir Shah : तीन दिवसांपासून फरार होता मिहीर शाह
७ जुलैपासून मिहीर शाह हा फरार होता. त्याचा पोलीस शोध घेत होते. मिहीर शाहला शोधण्यासाठी मुंबई पोलिसांच्या गुन्हे शाखेने शोध पथके तयार केली होती. या प्रकरणात मिहीरची गर्लफ्रेंडची चौकशी करण्यात आली होती.
हेही वाचा >> वरळी हिट अँड रन प्रकरणातील आरोपी मिहीर शाह आहे तरी कोण?
वांद्रे येथे मित्रांकडे जात असल्याचे सांगून मिहीर शाह गर्लफ्रेंडच्या घरून निघाला होता. पोलिसांकडून त्याचा ठिकाणा शोधण्याचे काम तीन दिवसांपासून सुरू होते. मंगळवारी (९ जुलै) मिहीर शाहच्या मुसक्या आवळण्यात मुंबई पोलिसांना यश आले.
हे वाचलं का?
