एमपीएससी परीक्षा पुढे ढकलली तरी विद्यार्थ्यांचा रोष कायम का?
एमपीएससी परीक्षा 25 ऑगस्ट रोजी होणार होती पण आता पुढे ढकलण्यात आली आहे. तरीही विद्यार्थी आंदोलन करत आहेत, कारण परीक्षेच्या तारखा एकमेकांना जुळत आहेत.
ADVERTISEMENT
गेल्या दोन दिवसांपासून पुण्यात स्पर्धा परीक्षा करणारे विद्यार्थी आंदोलन करत होते. त्यामध्ये त्यांच्या अनेक मागण्या होत्या. त्यातील एक प्रमुख मागणी म्हणजे 25 ऑगस्टची महाराष्ट्र राजपत्रित नागरी सेवा संयुक्त पूर्व परीक्षा पुढे ढकलण्याची होती. कारण यादिवशी एमपीएससीची परीक्षा आणि आयबीपीएसची परीक्षा दोन्ही एकाच दिवशी होत्या. त्यामुळे अनेक विद्यार्थ्यांना एका परीक्षेला मुकावे लागणार होते. आता आयोगाने याबद्दलचे नोटिफिकेशन काढून ही परीक्षा पुढे ढकलल्याचे जाहीर केले आहे. असं असलं तरी आंदोलन कायम का आहे? विद्यार्थ्यांचा नाराजीचा मुद्दा लक्षात घेऊन याचा आढावा घ्यायला हवा. जर परीक्षेच्या तारखा एकमेकांना जुळत असतील, तर विद्यार्थ्यांचे नुकसान होणार हे स्पष्ट आहे. त्यामुळे विद्यार्थ्यांच्या आंदोलनाची कारणं आणि त्यासंबंधीची मागणी यावर विचार होणं आवश्यक आहे.