मुंबई: जॉगिंग करत असलेल्या टेक कंपनीच्या महिला CEOला कारने उडवलं; जागीच मृत्यू
Worli Sea Face Accident : वरळी सीफेसवर एका 38 वर्षीय महिलेला रविवारी पहाटे एका वेगवान एसयूव्हीने मागून धडक दिल्याने तिचा जागीच मृत्यू झाला. (Worli Bandra Sealink) वरळी-वांद्रे सीलिंकपासून अवघ्या काही मीटर अंतरावर असलेल्या वरळी सीफेसवरील वरळी डेअरीजवळ सकाळी साडेसहा वाजता ही घटना घडली. मृत महिलेचं नाव राजलक्ष्मी राम कृष्णन असं आहे. ती दादर-माटुंगा परिसरातील रहिवासी […]
ADVERTISEMENT
Worli Sea Face Accident : वरळी सीफेसवर एका 38 वर्षीय महिलेला रविवारी पहाटे एका वेगवान एसयूव्हीने मागून धडक दिल्याने तिचा जागीच मृत्यू झाला. (Worli Bandra Sealink) वरळी-वांद्रे सीलिंकपासून अवघ्या काही मीटर अंतरावर असलेल्या वरळी सीफेसवरील वरळी डेअरीजवळ सकाळी साडेसहा वाजता ही घटना घडली. मृत महिलेचं नाव राजलक्ष्मी राम कृष्णन असं आहे. ती दादर-माटुंगा परिसरातील रहिवासी आहे. ती एका टेक्नॉलॉजी फर्मची सीईओ होती, अशी माहिती मिळत आहे. (38-year-old woman hit by speeding car near Worli Sealink; Death on the spot)
पोलिसांनी गाडी जप्त केली
महिलेला ठोकरलेल्या कार चालकाला पोलिसांनी तात्काळ ताब्यात घेतले. ताब्यात घेतल्यानंतर त्याची वैद्यकीय तपासणी करण्यात आली. टाटा नेक्सॉन या कारने त्या महिलेला धडक दिली होती. पोलिसांनी की गाडी जप्त केली आहे. पोलीस याबाबत तक्रार दाखल करण्याची प्रक्रिया पूर्ण करत आहेत. त्याचबरोबर झालेल्या घटनेचा अधिक तपास केला जाईल, असं पोलीस सांगतायेत.
Yogesh Kadam: ‘हा अपघात नव्हता, माझ्या..’, रामदास कदमांच्या मुलाचा आरोप
कारचालकाचा गाडीवरील ताबा सुटला
याबाबत अधित माहिती मिळते की, संबंधित महिला ही रविवारी पहाटे मॉर्निंग वॉकसाठी घराबाहेर पडली होती. सीफेसजवळ चालत असताना एका कारचालकाचा गाडीवरील ताबा सुटला आणि महिलेला ठोकरून दुभाजकावर जाऊन आदळली. ही धडक इतकी भिषण होती की महिला हवेत उडाली आणि लांब जावून जमिनीवर पडली. महिलेला तात्काळ नायर रुग्णालयात नेण्यात आले, मात्र तेथे पोहोचताच तिला मृत घोषित करण्यात आले.
हे वाचलं का?
