वासनांधांकडून मृतदेहावर बलात्कार… आई-वडील लावतायेत मुलींच्या कबरीला कुलूप!
Pakistan News: पाकिस्तानमध्ये एक धक्कादायक घटना समोर आली आहे. काही पालक त्यांच्या मृत मुलींच्या कबरीला कुलूप लावून बलात्काऱ्यांपासून त्यांना वाचवण्याचा प्रयत्न करत आहेत.
ADVERTISEMENT
Pakistan Crime News: इस्लामाबाद: पाकिस्तानमध्ये (Pakistan) एक धक्कादायक घटना समोर आली आहे. काही पालक त्यांच्या मृत मुलींच्या कबरीला कुलूप लावून वासनांध बलात्काऱ्यांपासून वाचविण्याचा प्रयत्न करत आहेत. डेली टाइम्सच्या वृत्तानुसार, पाकिस्तानमध्ये नेक्रोफिलिया (Necrophilia) म्हणजेच महिला मृतदेहांवर बलात्कार (Rape) करण्याचं प्रमाण वाढत आहे. (in pakistan rape is happening with the dead body parents are locking the graves of girls)
पाकिस्तानातील काही वासनांध पुरुष हे आपली वासना शमविण्यासाठी चक्क महिलांचे पुरलेले मृतदेह उकरून त्यांच्याशी लैंगिक संबंध प्रस्थापित करत असल्याच्या धक्कादायक घटना समोर आल्या आहेत. ज्यामुळे आता पाकिस्तानातील ज्या पालकांच्या मुली मृत पावल्या आहेत त्यांच्यात भीतीचं वातावरण निर्माण झालं आहे. त्यामुळेच आता अशा वासनांधांपासून आपल्या मृत मुलींचं संरक्षण व्हावं यासाठी कबरींवर लोखंडी जाळीचा दरवाजा बसून त्याला कुलूप लावण्यात येत आहे. जेणेकरून त्यांच्या मृत मुलींवर बलात्कार होणार नाहीत.
नेमकं प्रकरण काय?
न्यूज एजन्सी एएनआयने डेली टाइम्सच्या वृत्ताचा हवाला देत म्हटले आहे की, पाकिस्तानमध्ये दर दोन तासांनी एका महिलेवर बलात्कार होतो, परंतु मृत मुलींच्या बलात्काराच्या घटना या खूपच लज्जास्पद आहेत. ‘द कर्स ऑफ गॉड, व्हाय आय लेफ्ट इस्लाम’या पुस्तकाचे लेखक हारिस सुलतान यांनी याला कट्टरतावादी विचारसरणीच जबाबदार असल्याचं म्हटलं आहे.
हे ही वाचा>> मारेकरी अतीक आणि अशरफच्या डोक्यात गोळ्या झाडताना ‘तो’ चौथा व्यक्तीही होता हजर?
हारिस म्हणाले की, ‘पाकिस्तानातील कट्टरपंथी लोकांनी असा समाज निर्माण केला आहे की, जिथे आई-वडिलांना आपल्या मुलीच्या मृतदेहाच्या सुरक्षेसाठी कबरीलाही कुलूप लावावे लागत आहे.’
हे वाचलं का?
