पुण्यातून परतलेल्या जोडप्याचा किरकोळ कारणावरून वाद; पत्नीने फाशी घेतली, पतीनेही संपवलं आयुष्य

नवरा-बायकोच्या वादाचं नेमकं कारण 

मिळालेल्या माहितीनुसार, 38 वर्षीय मनोज अहिरवार हे त्यांची 35 वर्षीय पत्नी वंदना आणि देवांश (12), राधिका (10) आणि ऋषभ (7) या तीन मुलांसोबत राहत होते. कुटुंबियांच्या म्हणण्यानुसार, हे जोडपे गेल्या काही महिन्यांपासून पुण्यात काम करत होते. सुमारे 20 दिवसांपूर्वी मनोजने त्याच्या पत्नीला फोनवर कोणाशी तरी बोलताना पाहिलं, ज्यामुळे दोघांमध्ये वाद झाला आणि त्यानंतर ते पुन्हा झाशी येथे आपल्या घरी परतले. त्यावेळी, वंदनाने घरी परतताना ट्रेनमधून उडी मारून आत्महत्या करण्याचा प्रयत्न केला होता, पण त्यावेळी मनोजने तिला वाचवलं. मात्र, झाशीला परतल्यानंतरही दोघांमधील भांडणं कमी झालं नसल्याचं कुटुंबियांनी सांगितलं. 

बुधवारी रात्रीच्या सुमारास, वंदनाच्या मोबाईल फोनमधून काही अॅप्स डिलीट करण्यावरून दोघांमध्ये पुन्हा एकदा जोरदार वाद झाला. हा वाद इतका वाढला की वंदना तिच्या खोलीत गेली आणि तिने दरवाजा बंद केला. बराच वेळ आतून कोणताही आवाज न आल्याने मुले आणि कुटुंबातील सदस्य दरवाजा तोडून खोलीत गेले, परंतु त्यांना पीडिता फाशीला लटकलेल्या अवस्थेत आढळली. त्यानंतर, कुटुंबियांनी पोलिसांना या घटनेबाबत माहिती दिली. पोलिसांनी मृतदेह ताब्यात घेतला आणि तो पोस्टमॉर्टमसाठी पाठवला. 

हे ही वाचा: मुंबईची खबर: मुंबई आंतरराष्ट्रीय विमानतळावर केवळ 10 ते 20 रुपयांत चहा आणि बरंच काही... प्रवाशांना दिलासा

टॉवेलने फाशी घेतलेल्या अवस्थेत मृतदेह 

पत्नीच्या मृत्यूमुळे दुःखी झालेल्या मनोजने त्याच दिवशी आत्महत्येचा प्रयत्न केला. परंतु, घटनास्थळी उपस्थित असलेल्या कुटुंबातील सदस्यांनी आणि पोलिसांनी त्याला वाचवलं. तो त्याच्या पत्नीच्या पोस्टमॉर्टमच्या वेळी मेडिकल कॉलेजमध्ये गेला होता, परंतु त्यानंतर तो अचानक गायब झाला. तो तिच्या अंत्यसंस्काराला सुद्धा उपस्थित राहिला नाही. गुरुवारी रात्री ग्रीन होम सिटीजवळील झुडुपात टॉवेलने फाशी घेतलेल्या अवस्थेत मनोजचा मृतदेह आढळल्याची माहिती मिळाली. पोलिसांनी घटनास्थळी येऊन मृतदेह खाली उतरवला आणि तो पोस्टमॉर्टमसाठी पाठवला.