लग्नासाठी दबाव अन् हत्या

बेबी ही अजितवर लग्नासाठी सातत्याने दबाव टाकत होती, मात्र अजित या लग्नासाठी तयार नव्हता. या वादाचे रूपांतर शेवटी हिंसेत झाले आणि रागाच्या भरात अजितने धारदार चाकूने बेबीवर एकामागून एक अनेक वार केले. या प्राणघातक हल्ल्यात बेबी गंभीर जखमी झाली आणि तिचा जागीच दुर्दैवी मृत्यू झाला. ओरडण्याचा आवाज ऐकून आजूबाजूचे लोक गोळा झाले आणि त्यांनी तातडीने पोलिसांना घटनेची माहिती दिली.'

हे ही वाचा : शिवसेना सुनावणी: आमदार अपात्रतेवरून सिब्बलांनी घेरलं, सुप्रीम कोर्टातील युक्तिवाद जसाच्या तसा..

आरोपी ताब्यात

घटनेची माहिती मिळताच खुर्जा नगर ठाण्याचे पोलीस पथक घटनास्थळी दाखल झाले. पोलिसांनी पंचनामा करून मृतदेह शवविच्छेदनासाठी पाठवला असून आरोपी अजितला तत्काळ ताब्यात घेतले आहे. खुर्जाचे पोलीस अधिकारी शोभित कुमार यांनी दिलेल्या माहितीनुसार, सुरुवातीच्या तपासात लग्नाच्या वादातूनच ही हत्या झाल्याचे स्पष्ट झाले असून आरोपीवर कडक कायदेशीर कारवाई केली जात आहे. पोलीस या प्रकरणातील इतर सर्व बाजूंचा सखोल तपास करत आहेत.

हे ही वाचा : बीड : 'पप्पा, मम्मीला मारु नका..' अंगणवाडी सेविकेला पेट्रोल ओतून जिवंत जाळले

नातेवाईकांची निदर्शने 

दरम्यान, बुधवारी सायंकाळी शवविच्छेदनानंतर मृतदेह अंत्यसंस्कारासाठी जात असताना बेबीच्या संतप्त नातेवाईकांनी रस्त्यावर उतरून निदर्शने केली. आरोपीचा एन्काउंटर करावा आणि त्याला फाशीची शिक्षा व्हावी, अशी मागणी करत त्यांनी काही काळ रस्ता रोखून धरला होता. मात्र, पोलिसांनी घटनास्थळी पोहोचून नातेवाईकांची समजूत काढली आणि आरोपीवर कठोर कारवाई करण्याचे आश्वासन दिले. त्यानंतर नातेवाईकांनी आंदोलन मागे घेतले आणि वाहतूक पूर्ववत झाली.