पैशांचा हव्यास ते डॉक्टरला मारहाण; दिव्या शिंदेने जे कांड केले ते वाचाच, 10 गंभीर कलमान्वये गुन्हा दाखल

Bigg Boss Marathi fame and social media influencer Divya Shinde has been arrested  : पुणे पोलिसांनी 'बिग बॉस मराठी'ची माजी स्पर्धक आणि प्रसिद्ध सोशल मीडिया इन्फ्लुएन्सर दिव्या शिंदे हिला एका निवृत्त सरकारी डॉक्टरांना त्यांच्याच घरात घुसून मारहाण केल्याप्रकरणी अटक केली आहे. ही अत्यंत धक्कादायक घटना 24 सप्टेंबर रोजी रात्री साडेआठच्या सुमारास पुण्याच्या महंमदवाडी परिसरातील न्याती हाईलँड्स येथे घडली. या हल्ल्यामध्ये 65 वर्षीय डॉ. विद्याधर गायकवाड हे गंभीर जखमी झाले आहेत. घटनेच्या दुसऱ्या दिवशी, म्हणजेच 25 सप्टेंबर रोजी डॉ. विद्याधर गायकवाड यांनी दिलेल्या तक्रारीवरून काळेपडळ पोलीस ठाण्यात दिव्या शिंदे आणि तिच्या इतर साथीदारांविरोधात एफआयआर (FIR) दाखल करण्यात आली.