पाच दिवस उपाशी अन् नंतर हत्या

आशा आणि सुजीत या दोघांचेही हे दुसरे लग्न होते. पहिल्या पतीच्या निधनानंतर आशा आपल्या पाच वर्षांच्या मुलीसह सुजीतच्या आयुष्यात आली होती, तर सुजीतचीही पहिली पत्नी आजाराने मरण पावली होती. सुरुवातीचे सहा महिने सर्व काही सुरळीत चालले होते, मात्र त्यानंतर सुजीतचे वर्तन अचानक बदलले. सुजीतचे त्याच्या पहिल्या सासरच्या लोकांशी पुन्हा संपर्क वाढले आणि तिथूनच घरात वादाची ठिणगी पडली. मुलांच्या संगोपनावरून आणि जुन्या नात्यांवरून घरात वारंवार खटके उडू लागले. या वादातूनच आशा हिला गेल्या पाच दिवसांपासून उपाशी ठेवण्यात आले होते आणि अखेर रविवारी (4 ऑक्टोबर) तिला काठीने बेदम मारहाण केली.

हे ही वाचा : MPSC आंदोलनाबाबत हायकोर्टातून मोठी अपडेट, न्यायालयाचं विद्यार्थ्यांना आवाहन, सरकारला निर्देश

'मला हे जिवंत सोडणार नाहीत...'

हत्येच्या काही वेळ आधी, म्हणजेच रविवारी रात्री 9 च्या सुमारास, मृत्यूच्या दाढेत सापडलेल्या आशाने आपल्या माहेरी फोन केला होता. "मला इथून घेऊन जा, नाहीतर हे लोक मला जिवंत सोडणार नाहीत," अशी आर्त हाक तिने आपल्या आई-वडिलांना दिली होती. मात्र, रात्रीच्या वेळी असमर्थता दर्शवत माहेरच्या लोकांनी सकाळी यायचे ठरवले आणि तीच त्यांची सर्वात मोठी चूक ठरली. रात्री सासू-सासरे घरात नसताना सुजीतने काठीने मारहाण करून आशाचा खून केला आणि संपूर्ण कुटुंबासह घरातून पळ काढला. सकाळी शेजाऱ्यांचा फोन आला तेव्हा माहेरच्या पायाखालची जमीनच सरकली.

हे ही वाचा : तपासणीच्या नावाखाली डॉक्टरचा महिलेच्या प्रायव्हेट पार्टला चुकीचा स्पर्श, पोलिसांकडून अटक

चिमुरडीचा जबाब, आरोपी फरार

घटनेची माहिती मिळताच पोलीस पथक आणि फॉरेन्सिक सायन्स लॅबोरेटरी (FSL) च्या पथकाने घटनास्थळी धाव घेत तपासाची चक्रे वेगाने फिरवली आहेत. चिमुरडीने दिलेल्या जबानीनुसार पोलिसांनी हत्येचा गुन्हा दाखल करून मृतदेह शवविच्छेदनासाठी पाठवला आहे. आपल्याच पोटच्या मुलीसमोर तिच्या आईचा असा क्रूर अंत झाल्याने संपूर्ण परिसरात संतापाची लाट उसळली आहे. सध्या पोलीस फरार आरोपी सुजीत आणि त्याच्या कुटुंबीयांचा कसून शोध घेत असून या नराधमाला लवकरच बेड्या ठोकल्या जातील असा विश्वास प्रशासनाने व्यक्त केला आहे.