धाकदार सुऱ्याने हल्ला

घटनेच्या वेळी राहुल नगरमधील नागरिक गाढ झोपेत असताना अचानक घरातून मोठ्या प्रमाणावर किंचाळण्याचे आणि भांडणाचे आवाज येऊ लागले. घरात सुरु असलेल्या मोठ्या आवाजातील गाण्यांना विरोध केल्याने सुरुवातीला किरकोळ शिवीगाळ आणि लाथाबुक्क्यांनी मारहाण झाली. मात्र, रागाच्या भरात आरोपीने अचानक धारदार सुरा काढून कुटुंबातील सदस्यांवर प्राणघातक हल्ला चढवला. या हल्ल्यात 40 वर्षीय सुनील विश्वकर्मा आणि त्यांचा 14 वर्षांचा मुलगा श्लोक विश्वकर्मा हे गंभीर जखमी झाले. त्यांना तातडीने राजावाडी रुग्णालयात दाखल केले असता डॉक्टरांनी दोघांनाही मृत घोषित केले.

हे ही वाचा : नागपूर : 16 वर्षीय मुलीला ओलीस ठेवून बलात्कार, 19 वर्षीय नराधमाला अटक; लॉकअपमध्ये पिझ्झाची मागणी

क्षणात होत्याचं नव्हतं झालं

या प्राणघातक हल्ल्यात सुनील यांच्या पत्नी अंजू विश्वकर्मा आणि लहान मुलगा विवान विश्वकर्मा हे देखील गंभीर जखमी झाले आहेत. त्यांच्यावर सध्या राजावाडी रुग्णालयात उपचार सुरू असून दोघांचीही प्रकृती चिंताजनक असल्याचे समजते. क्षणभरात घडलेल्या या रक्ताळलेल्या घटनेमुळे हसतं-खेळतं कुटुंब पूर्णपणे उद्ध्वस्त झाले असून संपूर्ण परिसरात प्रचंड हळहळ व्यक्त केली जात आहे.

हे ही वाचा : Maharashtra Weather : पुढील काही तास धोक्याचे, 'या' जिल्ह्यांचं काही खरं नाही, IMD चा अलर्ट

आरोपी कोण?

घटनेची माहिती मिळताच पार्कसाईट पोलीस आणि फॉरेन्सिक टीमने घटनास्थळी धाव घेऊन परिसर सील केला आहे. या प्रकरणावर जलद कारवाई करत पोलिसांनी सुरेंद्र विश्वकर्मा आणि सूरज विश्वकर्मा या दोन संशयितांना ताब्यात घेतले आहे. कौटुंबिक वाद आणि गाण्यांच्या विरोधातून हा प्रकार घडल्याचे प्राथमिक तपासात समोर आले असून, गुन्ह्यात वापरलेला सुरा जप्त करण्याचे आणि घटनेची सखोल चौकशी करण्याचे काम पोलीस करत आहेत. या भयंकर घटनेनंतर राहुल नगर परिसरात भीतीचे वातावरण पसरले आहे.