हॉटेलच्या खोलीत काय घडलं?

बुधवारी पहाटे साडेपाच वाजताच्या सुमारास त्यांच्यासोबत हॉटेलच्या खोलीत थांबलेल्या एका तरुणीने त्यांची प्रकृती अचानक बिघडल्याची माहिती हॉटेल व्यवस्थापनाला दिली. हॉटेल कर्मचाऱ्यांनी त्यांना तात्काळ जीएमएसएच-16 या शासकीय रुग्णालयात दाखल केले, परंतु उपचारापूर्वीच वाटेत त्यांचा मृत्यू झाला होता. घटनेची माहिती मिळताच वरिष्ठ पोलीस अधिकाऱ्यांनी घटनास्थळी धाव घेत हॉटेलच्या खोलीची कसून पाहणी केली. पोलिसांनी खोलीतून दारूच्या बाटल्या, काही औषधे, सुमारे पाच लाख रुपयांची रोकड आणि एक बॅग जप्त केली असून, तरुणीला ताब्यात घेऊन चौकशीनंतर सोडून दिले.

हे ही वाचा : Uddhav Thackeray Dasara Melava | बाळासाहेब ठाकरेंची भेट आणि गाडीची गोष्ट

मृत्यूचं कारण काय?

पोलिसांच्या प्राथमिक तपासानुसार, मद्यप्राशनानंतर घेतलेल्या एखाद्या भारी औषधामुळे किंवा इतर कारणांमुळे हा मृत्यू झाला असावा, या दिशेने कसून तपास सुरू आहे. मृत्यूचे नेमके कारण स्पष्ट करण्यासाठी पोलिसांनी मृतदेहाचे विसेराचे नमुने फॉरेन्सिक लॅबमध्ये तपासणीसाठी पाठवले आहेत. तसेच, रात्रीच्या वेळी खोलीत इतर कोणी व्यक्ती भेटण्यासाठी आली होती का, हे शोधण्यासाठी हॉटेलचे सीसीटीव्ही फुटेज देखील तपासले जात आहेत. या घटनेची माहिती मिळताच छत्तीसगडहून त्यांचे कुटुंबीय चंदीगडमध्ये पोहोचले.

हे ही वाचा : मनोज जरांगेंना नडून एकनाथ शिंदे मराठा मतांची जोखीम घेणार?

व्यावसायिक वर्तुळात खळबळ

जीएमएसएच-16 रुग्णालयात डॉक्टरांच्या विशेष पथकाकडून मृतदेहाचे शवविच्छेदन करण्यात आले, त्यानंतर कुटुंबीयांनी पार्थिव रायपूरकडे नेले. हॉटेल ताजच्या व्यवस्थापनाने या घटनेबद्दल तीव्र दु:ख व्यक्त केले असून पोलिसांच्या तपासात पूर्ण सहकार्य करण्याचे आश्वासन दिले आहे. या हाय-प्रोफाइल घटनेमुळे व्यावसायिक वर्तुळात आणि प्रशासकीय पातळीवर मोठी खळबळ उडाली असून, पोलिसांचा अंतिम अहवाल आल्यानंतरच मृत्यूचे खरे कारण समोर येईल.