हे ही वाचा : 'तु मला आवडतेस', म्हणत जालन्यात सासऱ्याने सुनेला मागून मिठीत धरले, नंतर खाली पाडून...

चोरीच्या उद्देशाने घरात शिरले अन्...

मिळालेल्या माहितीनुसार, कांकेर शहरापासून अवघ्या सात किलोमीटर अंतरावर असलेल्या एका गावात 6 मार्चच्या रात्री सहा वर्षांची मुलगी आपल्या आई-वडिलांसोबत घरात झोपली होती. त्याच वेळी दोन तरुण नशेच्या धुंदीत चोरीच्या उद्देशाने घरात घुसले, मात्र चिमुरडीला पाहून त्यांच्यातील वासना जागृत झाली. त्या नराधमांनी मुलीचे अपहरण करून तिला गावातील तलावाजवळ नेले आणि तिथे तिच्यावर सामूहिक बलात्कार केला. त्यानंतर पीडितेला तिथेच सोडून दोघेही पसार झाले. रात्री साडेबाराच्या सुमारास जेव्हा पालकांना जाग आली, तेव्हा मुलगी घरात नसल्याचे त्यांच्या लक्षात आले. घर आणि परिसरात शोध घेऊनही मुलगी न सापडल्याने त्यांनी तत्काळ पोलिसांना माहिती दिली.

आरोपींनी गुन्हा मान्य केला

पोलिसांनी घटनेचे गांभीर्य ओळखून रात्रीच शोधमोहीम राबवली आणि मुलीला तलावाजवळील शेतातून बेशुद्धावस्थेत बाहेर काढले. तिला तातडीने कांकेर मेडिकल कॉलेजमध्ये दाखल करण्यात आले. वैद्यकीय तपासणीत मुलीवर बलात्कार झाल्याची पुष्टी झाल्यानंतर पोलिसांनी गावात तपास करून चार संशयितांना ताब्यात घेतले. सखोल चौकशीअंती अमित जैन आणि रोहन जैन या दोन आरोपींनी आपला गुन्हा मान्य केला. अतिरिक्त पोलीस अधीक्षक योगेश साहू यांनी सांगितले की, दोन्ही आरोपींविरुद्ध विविध कलमान्वये गुन्हा दाखल करण्यात आला असून पुढील कायदेशीर प्रक्रिया सुरू आहे.