प्रियकराच्या प्रेमात वेडी झाली, पोटच्या लेकराची केली हत्या, अपघाचा बनाव रचला

Crime News : भिंड जिल्ह्यातील सहा वर्षीय सृष्टी दौहरेच्या मृत्यू प्रकरणाला आता अत्यंत धक्कादायक आणि वेदनादायी वळण मिळाले आहे. सुमारे 45 दिवसांपूर्वी विहिरीत सृष्टीचा मृतदेह आढळल्यानंतर सुरुवातीला हा अपघाती मृत्यू असल्याचा अंदाज व्यक्त करण्यात आला होता. मात्र, भोपाल मेडिकल बोर्डाच्या अहवालानंतर या प्रकरणामागे हत्येचा संशय असल्याचे स्पष्ट झाले आहे. या अहवालाच्या आधारे पोलिसांनी सृष्टीची आई ज्योती दौहरे आणि तिचा कथित प्रियकर रमाशंकर शर्मा यांच्याविरोधात हत्या आणि पुरावे नष्ट करण्याच्या आरोपाखाली गुन्हा दाखल केला आहे. तपासात दोघांना लग्न करायचे होते आणि सृष्टी त्यांच्या नात्यात अडथळा ठरत असल्याचा संशय पोलिसांनी व्यक्त केला आहे. या खुलाशानंतर संपूर्ण परिसरात खळबळ उडाली आहे.