बॉयफ्रेंडने निर्जनस्थळी नेऊन अत्याचार करुन गेला, पीडितेच्या मदतीसाठी आलेल्या तरुणानेही अब्रू लुटली, शेवटी केला मर्डर
Crime News : तरुणीला एकटे पाहून शुभम कुमार सिंह नावाचा दुचाकीस्वार तिथे आला आणि त्याने मदतीचा बहाणा केला. सुरक्षित ठिकाणी पोहोचवण्याचे आश्वासन देऊन त्याने तरुणीला आपल्या दुचाकीवर बसवले आणि पारादीप येथील आपल्या भाड्याच्या खोलीवर नेले. पोलीस अधीक्षक अंकित कुमार वर्मा यांनी दिलेल्या माहितीनुसार, शुभमने तरुणीला इमारतीच्या छतावर नेऊन तिच्यावर पुन्हा बलात्कार केला.
ADVERTISEMENT
बातम्या हायलाइट
बॉयफ्रेंडने निर्जनस्थळी नेऊन अत्याचार करुन गेला
पीडितेच्या मदतीसाठी आलेल्या तरुणानेही अब्रू लुटली, शेवटी केला मर्डर
Crime News : ओडिशाच्या जगतसिंहपूर जिल्ह्यातून एक अंगावर काटा आणणारी घटना समोर आली आहे. एका 23 वर्षीय तरुणीवर एकाच दिवशी दोन वेगवेगळ्या ठिकाणी बलात्कार करण्यात आला आणि त्यानंतर पुरावा नष्ट करण्यासाठी तिला चार मजली इमारतीवरून खाली फेकून देण्यात आले. या हृदयद्रावक घटनेत तरुणीचा मृत्यू झाला असून, पोलिसांनी याप्रकरणी तिचा प्रियकर आणि एका अन्य नराधमाला अटक केली आहे. ही घटना 22 फेब्रुवारी रोजी घडली असून, आरोपींविरुद्ध अपहरण, बलात्कार आणि हत्येसह भारतीय न्याय संहितेच्या (BNS) विविध कलमान्वये गुन्हे दाखल करण्यात आले आहेत.
22 फेब्रुवारीच्या सकाळी ही तरुणी आपल्या घरातून प्रियकर सोमनाथ ओझा याच्यासोबत लग्न करण्याच्या उद्देशाने बाहेर पडली होती. सोमनाथने तिला लग्नाचे आमिष दाखवून जगतसिंहपूर येथील सरला मंदिरात बोलावले होते. मात्र, तिथे पोहोचल्यानंतर त्याने लग्नाऐवजी तिला एका निर्जन स्थळी नेले. तिथे तिच्यावर अत्याचार केल्यानंतर आरोपी सोमनाथने तिला रहमा बसस्थानकावर असहाय्य अवस्थेत सोडून तिथून पळ काढला. प्रियकरानेच घात केल्यामुळे पीडिता तासनतास बसस्थानकावर गोंधळलेल्या आणि रडत असलेल्या स्थितीत उभी होती.
हेही वाचा : धाराशिव : काकाने पुतणीला गळा दाबून संपवलं, कोयत्याने तुकडे करुन मृतदेह चारीमध्ये पुरला, हत्येचं कारणही समोर
तरुणीला एकटे पाहून शुभम कुमार सिंह नावाचा दुचाकीस्वार तिथे आला आणि त्याने मदतीचा बहाणा केला. सुरक्षित ठिकाणी पोहोचवण्याचे आश्वासन देऊन त्याने तरुणीला आपल्या दुचाकीवर बसवले आणि पारादीप येथील आपल्या भाड्याच्या खोलीवर नेले. पोलीस अधीक्षक अंकित कुमार वर्मा यांनी दिलेल्या माहितीनुसार, शुभमने तरुणीला इमारतीच्या छतावर नेऊन तिच्यावर पुन्हा बलात्कार केला. आपला गुन्हा उघड होऊ नये या भीतीने त्याने पीडितेचा गळा दाबण्याचा प्रयत्न केला आणि त्यानंतर तिला चार मजली इमारतीवरून खाली ढकलून दिले, ज्यात तिचा जागीच मृत्यू झाला.
हे वाचलं का?
