"हाडांपर्यंत जखम, डाव्या कानातून रक्त..'', लग्नात 1 कोटी खर्चून सुनेला हुंड्याची मागणी
Crime News : हुंडाबळी प्रकरणातील पीडित दीपिकाने छतावरून उडी मारून कथितरित्या आत्महत्या केली होती. त्यानंतर मृतदेहाचे शवविच्छेदन करण्यात आले होते. या शवविच्छेदनाच्या अहवालातून धक्कादायक खुलासे करण्यात आले होते. लग्नात 1 कोटी खर्चूनही पीडितेला सासरच्यांनी हुंड्याची मागणी केल्याची माहिती समोर आली आहे.
ADVERTISEMENT
बातम्या हायलाइट
लग्नात जावयाला फॉर्च्युनर एसयुव्ही आणि 1 कोटी रूपये
डोळ्यातून पाणी आणणारा पीडित महिलेचा शवविच्छेदन अहवाल
Crime News : उत्तर प्रदेशातील नोएडात हुंडाबळी प्रकरणातील पीडित दीपिकाने छतावरून उडी मारून कथितरित्या आत्महत्या केली होती. त्यानंतर मृतदेहाचे शवविच्छेदन करण्यात आले होते. या शवविच्छेदनाच्या अहवालातून धक्कादायक खुलासे करण्यात आले होते. पीडितेच्या हाडांपर्यंत खोल जखम झाली होती असे त्या अहवालात नमूद करण्यात आले होते, डाव्या कानातून रक्तस्त्राव, तसेच कंबरेच्या भागापर्यंत जखम झाल्याची माहिती त्या अहवालातून देण्यात आली. हा धक्कादायक प्रकार नोएडाच्या एकोनेट-3 पोलीस ठाणे परिसरातील जलपुरा गावात घडला होता.
हे ही वाचा : नराधम बापाकडून दोन अल्पवयीन लेकींचा विनयभंग, बायकोला...
डोळ्यातून पाणी आणणारा पीडित महिलेचा शवविच्छेदन अहवाल
एका वृत्तमाध्यमाने दिलेल्या माहितीनुसार, दीपिकाच्या उजव्या बाजूला कंबरेच्या हाडाला जबर मार लागला होता. तसेच डाव्या कानातून रक्तस्त्राव होत असल्याचे दिसून आले. छाती आणि पोटाच्या डावीकडील भागास खोल दाब आणि ओरखडल्याचे व्रण आढळले, अंतर्गत तपासणीतून मेंदूच्या मध्य आणि डाव्या भागांत गाठ असल्याचे आढळले. तसेच डावीकडील बाजूला असलेले मूत्रपिंड फिकट दिसू लागले होते. तसेच हृदयाचे कप्प देखील मोकळच होते, शरीराच्या काही अंतर्गत भागांत रक्तस्त्राव सूरूच होता.
अशातच या अवयवांचे नमुने जतन करून त्यांची तपासणी करण्यास पाठवले. कोणत्याही विषारी पदार्थांच्या अस्तित्वाचा शोध घेण्यासाठी हे नमुने तपासण्यास पाठवले. संबंधित प्रकरणात अहवालानुसार, शरीरावर अनेक ठिकाणी जखमा आढळून आल्या होत्या. मेंदूतील रक्ताची गाठ हे गंभीर संकेत आहे. या प्रकरणात पोलिसांनी सांगितले की, सततच्या अत्याचाराने तिला आत्महत्येस प्रवृत्त करण्यात आले.
लग्नात जावयाला फॉर्च्युनर एसयुव्ही आणि 1 कोटी रूपये
हे प्रकरण हुंडाबळीचे असल्याचे समोर आले, 14 महिन्यांपूर्वा जलपुरा गावात दीपिकाचा हृतिकशी विवाह झाला होता. पीडितेच्या आई-वडिलांनी तहृतिक आणि त्याच्या कुटुंबीयांना हुंडा म्हणून फॉर्च्युनर एसयुव्ही आणि 1 कोटी रूपये दिले होते. एवढं करूनही हृतिक आणि त्याच्या कुटुंबीयांनी पीडितेचा आणखी पैशांची मागणी केली होती.
