गर्लफ्रेंडसमोर प्रवेश नाकारल्याने अपमानाची भावना, गेटकिपरसोबत भयंकर घडलं?
Crime News : इंदूरमध्ये टाउनशिपमध्ये प्रवेश नाकारल्याच्या वादातून गेटकीपरला कारने चिरडल्याचा आरोप आहे. गर्लफ्रेंडसमोर अपमान झाल्याच्या रागातून हा प्रकार घडल्याचे पोलिसांचे म्हणणे असून दोघांना अटक करण्यात आली आहे.
ADVERTISEMENT
बातम्या हायलाइट
गर्लफ्रेंडसमोर प्रवेश नाकारल्याने अपमानाची भावना
गेटकिपरसोबत भयंकर घडलं?
Crime News : इंदूरमधील लॉ-एक्झोटिका या मोठ्या सोसायटीमध्ये प्रवेश नाकारल्याच्या वादातून एका तरुणाने गेटकीपरला कारने चिरडल्याचा धक्कादायक प्रकार समोर आला आहे. गर्लफ्रेंडसमोर आपला अपमान झाल्याचा राग मनात ठेवून तरुण काही वेळाने पुन्हा कार घेऊन आला आणि गेटवर उभ्या असलेल्या लोकांना धडक दिल्याचा पोलिसांचा आरोप आहे. या घटनेत धर्मेंद्र मालवीय या चौकीदाराचा मृत्यू झाला असून, सुरुवातीला अपघात वाटणारे हे प्रकरण आता हत्येत बदलले आहे. पोलिसांनी राजा उर्फ कमल कुमावत आणि त्याची गर्लफ्रेंड सेजल उर्फ शालिनी यांना अटक केली आहे.
हेही वाचा : महिलेचा परपुरुषावर जीव जडला, दारु पिऊन मारहाण करणाऱ्या पतीला गळा आवळून संपवलं
गर्लफ्रेंडसमोर प्रवेश नाकारल्याने संतापला, थेट गेटकिपरला चिरडलं
ही घटना इंदूरच्या लसूड़िया पोलीस ठाण्याच्या हद्दीतील लॉ-एक्झोटिका टाउनशिपमध्ये घडली. 35 वर्षीय धर्मेंद्र मालवीय हे टाउनशिपमध्ये चौकीदार म्हणून कार्यरत होते आणि कुटुंबासह तिथेच राहत होते. घटनेच्या रात्री राजा उर्फ कमल कुमावत हा आपली गर्लफ्रेंड सेजलसोबत कारमधून टाउनशिपमध्ये आला होता. गेटवर ड्युटीवर असलेल्या धर्मेंद्र यांनी कार थांबवून आत जाण्याबाबत विचारणा केली. पोलिसांच्या तपासानुसार, याच मुद्द्यावरून कमल आणि धर्मेंद्र यांच्यात वाद सुरू झाला. हा वाद वाढल्यानंतर धर्मेंद्र यांची पत्नी ज्योती आणि त्यांचा नातेवाईक गोविंद हेही घटनास्थळी आले. कमलने धर्मेंद्र यांच्यासोबत मारहाण केल्याचा आरोपही पोलिस तपासात समोर आला आहे.
हेही वाचा : कोथरुडच्या कुलकर्णी आणि पेठेतले बापट, ध्वनी प्रदुषणावर बेधडक चर्चा VIDEO