पत्नीचं मुंडकं फ्रिजमध्ये, कुत्र्यांना शरीराचे तुकडे देणार होता, 'शुगर डॅडी' आणि निघृण हत्या
Crime News : गुवाहाटीच्या हाटीगाव परिसरात महिलेच्या निर्घृण हत्येची धक्कादायक घटना समोर आली आहे. हत्येनंतर महिलेचे मुंडकं फ्रिजमध्ये ठेवण्यात आल्याचं पोलिसांच्या तपासात समोर आलं आहे.
ADVERTISEMENT
बातम्या हायलाइट
पत्नीचं मुंडकं फ्रिजमध्ये, कुत्र्यांना शरीराचे तुकडे देणार होता
'शुगर डॅडी' आणि निघृण हत्या
Crime News : गुवाहाटीच्या हाटीगाव परिसरातील बसिष्ठपूर बायलेनमध्ये महिलेची क्रूरपणे हत्या झाल्याचा धक्कादायक प्रकार समोर आलाय. रामानुजन आणि त्याची पत्नी रिया एका भाड्याच्या घरात राहत होते. सहा महिन्यांपूर्वीच दोघांचं लग्न झालं होतं. रिया फॅन्सी बाजारमधील एका बुटीकमध्ये काम करत होती, तर रामानुजन कॅब ड्रायव्हर आहे. 6 सप्टेंबरला या परिसरातील नागरिकांनी पोलिसांकडे तक्रार केली. रामानुजन आणि रिया राहत असलेल्या इमारतीतून दुर्गंधी येत असल्याचं त्यांनी पोलिसांना सांगितलं. दोघेही दोन दिवसांपासून दिसले नसल्याचं शेजाऱ्यांनी पोलिसांना सांगितलं. सोमवारी दोघांमध्ये जोरदार भांडण झालं होतं. त्यानंतर संध्याकाळी आठ वाजता रामानुजन घरातून बाहेर पडला होता. त्यानंतर तो पुन्हा घरी आला नसल्याचं शेजाऱ्यांनी सांगितलं.
हेही वाचा : 'शर्करावगुंठित'.., विद्यानंद बापटांनी पेटऱ्यातून नवा शब्द काढला, अर्थ आहे तरी काय?
मृतदेहाचं धड आणि मुंडक वेगळं
या माहितीनंतर पोलिसांनी रामानुजन आणि रिया राहत असलेल्या घराची पाहणी केली. दोघांचेही मोबाईल फोन बंद असल्याचं पोलिसांच्या लक्षात आलं. घराची पाहणी केल्यानंतर पोलिसांना धक्कादायक दृश्य दिसलं. घरात एक मृतदेह आढळून आला. मृतदेहाचं धड आणि मुंडक वेगळं होतं. एका प्लास्टिकच्या पिशवीत मुंडक ठेवून ते फ्रिजरमध्ये ठेवण्यात आलं होतं. पोलिसांनी ओळख पटवल्यानंतर हा मृतदेह रियाचा असल्याचं समोर आलं. रियाच्या हाताची बोटंही कापण्यात आल्याचं तपासात आढळलं. पोलिसांच्या म्हणण्यानुसार रियाची अत्यंत क्रूर पद्धतीने हत्या करण्यात आली होती. मृतदेह सापडण्याच्या 24 ते 48 तास आधी रियाची हत्या झाली असावी, असा पोलिसांचा अंदाज आहे.
हेही वाचा : वेदर रिपोर्ट : मराठवाड्याला दिलासा मिळणार? कोणत्या तारखांना मुसळधार पाऊस?