अल्पवयीन मुलांच्या गुप्तांगावर पेट्रोल ओतलं, गरम चमच्याने चटके दिले; धक्कादायक प्रकार
Crime News : या घटनेत आरोपींनी मुलांशी अत्यंत क्रूर वर्तन केल्याचे समोर आले आहे. तक्रारीनुसार, मुलांचे कपडे काढून त्यांना मारहाण करण्यात आली. तसेच गरम चमच्यांनी भाजणे, मुलांच्या खासगी अवयवांवर पेट्रोल ओतल्याचेही आरोप करण्यात आले आहेत. या अमानुष छळामुळे मुले गंभीररीत्या जखमी झाली असून मानसिक धक्काही बसल्याचे सांगितले जात आहे.
ADVERTISEMENT
बातम्या हायलाइट
अल्पवयीन मुलांच्या गुप्तांगावर पेट्रोल ओतलं
गरम चमच्याने चटके दिले; धक्कादायक प्रकार
Crime News, गुरुग्राम : हरियाणातील गुरुग्राम शहरात सोमवारी एक अत्यंत संतापजनक आणि माणुसकीला काळीमा फासणारी घटना घडली आहे. येथे एका पेइंग गेस्ट (पीजी) इमारतीत चार अल्पवयीन मुलांना ओलीस धरून त्यांना अमानुष मारहाण करण्यात आल्याचा गंभीर आरोप आहे. या प्रकरणी पोलिसांनी दोन आरोपींना अटक केली असून उर्वरित आरोपींचा शोध सुरू असल्याची माहिती पोलिसांनी दिली आहे.
पोलिसांनी दिलेल्या माहितीनुसार, पीजीजवळ सुरू असलेल्या एका बांधकामस्थळावर चोरी करण्याच्या संशयावरून या मुलांना पकडण्यात आले. आरोपींना संशय होता की ही मुले चोरी करण्याच्या उद्देशाने परिसरात फिरत आहेत. याच संशयातून काही पुरुषांनी या चार मुलांना जबरदस्तीने पीजीतील एका खोलीत डांबून ठेवले आणि त्यांना बेदम मारहाण केली.
या घटनेत आरोपींनी मुलांशी अत्यंत क्रूर वर्तन केल्याचे समोर आले आहे. तक्रारीनुसार, मुलांचे कपडे काढून त्यांना मारहाण करण्यात आली. तसेच गरम चमच्यांनी भाजणे, मुलांच्या खासगी अवयवांवर पेट्रोल ओतल्याचेही आरोप करण्यात आले आहेत. या अमानुष छळामुळे मुले गंभीररीत्या जखमी झाली असून मानसिक धक्काही बसल्याचे सांगितले जात आहे.
ही घटना उघडकीस येण्यामागे मुलांच्या मातांची धडपड कारणीभूत ठरली. एका अल्पवयीन मुलाच्या आईने कामावरून घरी परतल्यानंतर तिचा 12 वर्षांचा मुलगा बेपत्ता असल्याचे लक्षात आले. मुलाचा शोध घेत असताना तिला आणखी एका महिलेची भेट झाली. त्या महिलेची दोन मुलेही बेपत्ता असल्याचे समजले. त्यानंतर दोघींनी एकत्रितपणे मुलांचा शोध सुरू केला.
हे वाचलं का?
