'मित्रांनी प्राध्यापकासोबत अफेअर असल्याच्या अफवा पसरवल्या', डॉक्टर निकिताची काळजाचं पाणी करणारी सुसाईड नोट
Crime News : एका 23 वर्षीय आयुर्वेदिक डॉक्टरने तिच्यावर असलेल्या खोट्या आरोपांना आणि छळाला कंटाळून आत्महत्या केल्याची हृदयद्रावक घटना समोर आली आहे.
ADVERTISEMENT
बातम्या हायलाइट
'मित्रांनी प्राध्यापकासोबत अफेअर असल्याच्या अफवा पसरवल्या',
डॉक्टर निकिताची काळजाचं पाणी करणारी सुसाईड नोट
Crime News : कर्नाटकातील चित्रदुर्ग जिल्ह्यातून एक अत्यंत धक्कादायक आणि मन सुन्न करणारी घटना समोर आली आहे. होळकेरे परिसरातील बसवा लेआउटमध्ये राहणाऱ्या 23 वर्षीय आयुर्वेदिक डॉक्टर डॉ. एम. यू. निकिता हिने बुधवारी राहत्या घरी आत्महत्या केल्याचे उघड झाले आहे. ही घटना बुधवारी दुपारी घडली असली, तरी रात्री उशिरापर्यंत याबद्दल कोणालाही माहिती नव्हती. निकिताने तिच्यावर लावण्यात आलेल्या चारित्र्यहीनतेच्या खोट्या आरोपांमुळे आणि काही व्यक्तींकडून होत असलेल्या सततच्या मानसिक त्रासामुळे हे टोकाचे पाऊल उचलल्याचे प्राथमिक तपासात समोर आले आहे. एका उमद्या आणि सुशिक्षित डॉक्टरचा अशा प्रकारे अंत झाल्याने संपूर्ण वैद्यकीय क्षेत्रात आणि परिसरात हळहळ व्यक्त केली जात असून, या प्रकरणाने सर्वत्र खळबळ उडाली आहे.
मिळालेल्या माहितीनुसार, डॉ. निकिता एका आयुर्वेदिक मेडिकल कॉलेजमध्ये आपले शिक्षण आणि प्रशिक्षण पूर्ण करत होती. आपल्या प्रशिक्षणादरम्यान तिने उपचारांविषयी अधिक माहिती आणि सल्ला घेण्यासाठी कॉलेजमधील एका प्राध्यापकाची मदत घेतली होती. मात्र, तिच्या या व्यावसायिक संपर्काचा चुकीचा अर्थ लावून तिच्याच काही वर्गमित्रांनी त्यांच्यात अनैतिक संबंध असल्याच्या वावड्या उठवल्या. या खोट्या अफवांमुळे निकिता प्रचंड मानसिक दडपणाखाली होती. तिच्या ओळखीच्या लोकांनी आणि मित्रांनी तिला या विषयावरून वारंवार टोमणे मारण्यास सुरुवात केली होती. या अफवांनी तिचे मानसिक धैर्य खचले आणि तिला समाजात वावरणे कठीण झाले होते, ज्याचा शेवट अखेर या दुर्दैवी घटनेत झाला.
हेही वाचा : Personal Finance: 50 हजार मासिक पगार.. SIP मध्ये दरमहा किती गुंतवावे? तज्ज्ञांचा सल्ला आणि कंपाऊंडिंगची जादू
सुसाईड नोटमधून छळाचा पर्दाफाश
घटनेनंतर पोलिसांनी घटनास्थळावरून एक सुसाईड नोट जप्त केली आहे, ज्यामध्ये निकिताने तिच्या मृत्यूसाठी जबाबदार असलेल्यांची नावे स्पष्टपणे लिहिली आहेत. या पत्रात तिने नमूद केले आहे की, तिचे वर्गमित्र आणि एका लेक्चररच्या पत्नीने तिचा मोठ्या प्रमाणावर छळ केला. निकिताने पत्रात अतिशय भावनिकपणे लिहिले आहे की, "मी केवळ प्रशिक्षणाच्या उद्देशाने प्राध्यापकांशी चर्चा केली होती, पण माझ्या वर्गमित्रांनी आमच्याबद्दल खोट्या गोष्टी पसरवल्या, ज्यामध्ये कोणतेही तथ्य नव्हते. माझ्या मित्रांनी दिलेल्या या सततच्या त्रासाला कंटाळून मी माझे आयुष्य संपवत आहे." या चिठ्ठीत तिने काही विशिष्ट विद्यार्थ्यांच्या नावांचा आणि लेक्चररच्या पत्नीच्या नावाचा उल्लेख केला असून त्यांच्यामुळेच तिला हे पाऊल उचलावे लागल्याचे म्हटले आहे.
